تۇركىستان وبلىسىنىڭ جاڭا اكىمى تاعايىندالدى

2571
Adyrna.kz Telegram
فوتو:wikimedia.org
فوتو:wikimedia.org

ساتىبالدى دارحان امانگەلدىۇلى تۇركىستان وبلىسىنىڭ جاڭا اكىمى بولىپ تاعايىندالدى، دەپ حابارلايدى “ادىرنا” ۇلتتىق پورتالى.

ساتىبالدى دارحان سەنات دەپۋتاتى بولىپ شىمكەنت قالاسىنان سايلانعان. 1974 جىلى 26 ناۋرىزدا تۋعان، قازاق، ءبىلىمى جوعارى. س.سەيفۋللين اتىنداعى اقمولا اۋىل شارۋاشىلىق ينستيتۋتىن، قازاق گۋمانيتارلىق-زاڭ ۋنيۆەرسيتەتىن بىتىرگەن. ەكونوميست-مەنەدجەر، زاڭگەر، ە.ع.ك. قر پرەمەر-ءمينيسترى كەڭسەسى ءبولىم مەڭگەرۋشىسىنىڭ ورىنباسارى، شىمكەنت قالاسىنىڭ اكىمى، وڭتۇستىك قازاقستان وبلىسى اكىمىنىڭ ءبىرىنشى ورىنباسارى بولىپ قىزمەت اتقاردى. «قۇرمەت» وردەنىمەن، «ەرەن ەڭبەگى ءۇشىن» مەدالىمەن ماراپاتتالعان.

ەسكە سالساق، تۇركىستان وبلىسىنىڭ بۇرىنعى اكىمى ومىرزاق شوكەەۆ «ءىرى كولەمدە پارا الدى» دەپ كىنالى تانىلعان كەنتاۋدىڭ بۇرىنعى اكىمى داۋرەن ماقاجانوۆقا شىققان ۇكىم كۇشىنە ەنگەننەن كەيىن وتستاۆكاعا كەتتى.

”ادىرنا” ۇلتتىق پورتالى

پىكىرلەر