حالىقارالىق وليمپيادالاردىڭ جۇلدەگەر وقۋشىلارىن سالتاناتتى تۇردە ماراپاتتالدى. بۇل تۋرالى وقۋ-اعارتۋ ءمينيسترى اسحات ايماعامبەتوۆ Facebook پاراقشاسىندا جاريالادى، دەپ حابارلايدى “ادىرنا” ۇلتتىق پورتالى.
“بيىل دارىندى بالالارىمىز 27 مەدال جەڭىپ الىپ، وتكەن جىلدارداعى رەكوردتارىن جاڭارتتى.
بيىل قۇتتىقتاۋدىڭ ءوزى دە بالالار، ولاردىڭ اتا-انالارى جانە مۇعالىمدەر ءۇشىن ەرەكشە قۋانىشتى بولدى.
پرەزيدەنت قاسىم-جومارت كەمەلۇلى توقاەۆتىڭ قولداۋىنىڭ ارقاسىندا 27 جەڭىمپازعا 4,7 ملن تەڭگەگە دەيىنگى سەرتيفيكاتتار تابىستادىق. بۇل پرەزيدەنتتىڭ دارىندى بالالاردى ىنتالاندىرۋ جۇمىستارىن جۇرگىزۋ بويىنشا تاپسىرماسىنان كەيىن مۇمكىن بولدى. سونداي-اق وقۋشىلار ۇبت تاپسىرماي-اق قازاقستاندىق جوو-دا وقۋعا گرانتتار الدى. بۇل باعىتتاعى جۇمىستار ءالى دە جالعاسىن تابادى”، دەپ جازدى مينيستر.
ءمينيستردىڭ ايتۋىنشا، بيىل تىزىمگە 7 حالىقارالىق وليمپيادا كىرسە، كەلەسى جىلى ول تاعى 7 بەدەلدى حالىقارالىق وليمپيادامەن تولىعادى.
سونداي-اق جۇلدەلى ورىن العان وقۋشىلاردى دايىنداعان ۇستازدار دا بىرجولعى اقشالاي تولەم الادى. دارىندى بالالاردىڭ اتا-انالارىنا دا العىس حاتتار تابىستادىم.
“ەل پرەزيدەنتىنىڭ جانە مەملەكەتتىڭ تىكەلەي قولداۋى باسقا دا وقۋشىلارىمىزدىڭ وليمپياداعا قىزىعۋشىلىعىن ارتتىراتىنىنا سەنىمىم مول.
حالىقارالىق ارەنادا ەل نامىسىن لايىقتى قورعاعان بارلىق جەڭىمپازعا تاعى دا العىس ايتامىن.
بويلارىڭىزداعى تاباندىلىق، قاجىرلى ەڭبەك، بىلىمگە دەگەن قۇشتارلىق قاسيەتتەرىڭىز سىزدەردى جاڭا جەڭىس پەن تابىسقا جەتەلەي بەرسىن!”، - دەدى ايماعامبەتوۆ.
”ادىرنا” ۇلتتىق پورتالى
