بۇگىن، ساعات 03:00-دە جەتىساي قالاسىنداعى "كۇلپارشىن" بازارىنىڭ اۋماعىندا اۋدانى 500 شارشى مەتر بولاتىن جەكە تۇرعان ءبىر قاباتتى عيماراتتا جانە اۋدانى 400 شارشى مەتر قالقانىڭ استىندا ورنالاسقان اۋماقتان ءورت شىقتى (بازاردىڭ جالپى اۋدانى – 2500 شارشى مەتر).
ءورت تاڭعى ساعات 05:20-دا اۋىزدىقتالىپ، 07:35-تە ءسوندىرىلدى. زارداپ شەككەندەر جوق. ءورتتىڭ شىعۋ سەبەبى انىقتالۋدا. جەلدىڭ سالدارىنان ءورتتى ءسوندىرۋ قيىن بولدى. جالىندى سوندىرۋگە 47 ءورت ءسوندىرۋشى مەن 16 تەحنيكا جۇمىلدىرىلدى.
تۇركىستان وبلىسىنىڭ اكىمى ومىرزاق شوكەەۆتىڭ تاپسىرماسى بويىنشا وقيعا سەبەپتەرىن انىقتاۋ جانە ورتتەن زارداپ شەككەندەرگە كومەك كورسەتۋ جونىندەگى كوميسسيا قۇرىلدى. وعان وبلىس اكىمىنىڭ ورىنباسارى ساكەن قالقامانوۆ جەتەكشىلىك ەتەدى. كوميسسيا الدىندا ەڭ الدىمەن زارداپ شەككەندەردىڭ سانىن ەسەپتەۋ، ماتەريالدىق زالالدى باعالاۋ، مىندەتى تۇر. قازىرگى ۋاقىتتا بازاردىڭ باسشىلىعى مەن قۇرىلتايشىلارى جانە اۋدان بيلىگى ساتۋشىلارمەن كەزدەستى. ماسەلە باقىلاۋعا الىندى.
