مينيسترلىكتەردى قايتا قۇرۋ اياقتالدى – ايماعامبەتوۆ

1592
Adyrna.kz Telegram

وقۋ-اعارتۋ مينيسترلىگى مەن عىلىم جانە جوعارى ءبىلىم مينيسترلىگىن قايتا قۇرۋ اياقتالدى. بۇل تۋرالى اسحات ايماعامبەتوۆ ايتتى، دەپ حابارلايدى «ادىرنا» ءتىلشىسى.

«ۇكىمەت ءتيىستى قاۋلى قابىلدادى. مەملەكەت باسشىسىنىڭ مينيسترلىكتى ءبولۋ تۋرالى شەشىمى - وتاندىق عىلىمنىڭ دا، جوعارى ءبىلىم بەرۋ جۇيەسىنىڭ دە، جالپى ءبىلىم بەرۋ سالاسىنىڭ دامۋى ءۇشىن دە وتە ماڭىزدى. بۇل قۇرىلعان ەكى مينيسترلىككە العا قويىلعان مىندەتتەرگە جانە پروبلەمالاردى شەشۋگە ەگجەي-تەگجەيلى نازار اۋدارۋىنا مۇمكىندىك بەرەدى.

ەندى وقۋ-اعارتۋ مينيسترلىگىنىڭ قۇزىرىنا مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، قوسىمشا ءبىلىم بەرۋ، بالالاردىڭ قۇقىقتارىن قورعاۋ ماسەلەلەرى كىرەدى. مينيسترلىكتىڭ قاراماعىندا مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ سالاسىنداعى ساپانى قامتاماسىز ەتۋ ماسەلەلەرى دە بار.

جوعارى ءبىلىم جانە عىلىم ماسەلەلەرىمەن عىلىم جانە جوعارى ءبىلىم مينيسترلىگى جۇمىس ىستەيدى»،– دەدى ول.

پىكىرلەر