پيعىلى جات ءدىني تەرىس اعىمدار بۇل كۇندە عالامدىق پروبلەماعا اينالىپ وتىرعانى شىندىق. توقسان تولعاۋلى تاريحىمىزدى پاراقتار بولساق، حالقىمىزدىڭ قانداي دا ءبىر ءدىني الاۋىزدىقتارعا جول بەرمەگەنىن بايقايمىز. ال قازىر «اللا» اتىن اۋزىنا الىپ، نامازعا جىعىلا باستاعانداردى كورسەك، كادىمگىدەي قوبالجيتىن جاعدايعا جەتتىك. مۇندا ماسەلە ءدىننىڭ وزىندە ەمەس، ءدىن اتىن جامىلۋشى تەرىس پيعىلدىلاردىڭ قيتۇرقى ارەكەتىندە بولىپ تۇر.
جۋىردا جامبىل وبلىسى بويىنشا قىلمىستىق-اتقارۋ جۇيەسى دەپارتامەنتىندە وتكەن باسقوسۋ بارىسىندا يسلام ءدىنىنىڭ اتىن جابىلىپ، عالامتور ارقىلى ميلليونداعان ادامنىڭ ساناسىن ۋلاپ جۇرگەندەر جونىندە كەڭىنەن ايتىلدى. جيىندا وبلىستىق «ھيباتۋللا تارازي» مەشىتىنىڭ يمامى جاربول اقجىگىت تۇزەۋ مەكەمەلەرىندەگى تەولوگ ماماندارعا تاعىلىمدى ءدارىس وقىدى. جاربول بولاتۇلى ءوز سوزىندە اعىمداردى جەڭۋدە تەرەڭ ءبىلىم مەن تولاسسىز ناسيحات ماڭىزدى ءرول اتقاراتىنىن جەتكىزدى.
ايتا كەتەيىك، قازىرگى تاڭدا وڭىردەگى تۇزەۋ مەكەمەلەرىندە ءدىني ءبىلىمى جوعارى تەولوگ ماماندار قىزمەت ەتەدى. ولار قمدب-نا قاراستى وبلىس ورتالىعىنداعى مەشىت يمامدارىمەن ءارى وبلىستىق اكىمدىكتىڭ ءدىن ىستەرى باسقارماسىمەن تىعىز قارىم-قاتىناستا جۇيەلى جۇمىس ىستەۋدە.
