بۇگىنگى كۇنى ت. جۇرگەنوۆ اتىنداعى ونەر اكادەمياسىن اياقتاپ وتىرعان «نەگرى» ەسترادالىق توبىنىڭ ءانشىسى، جاس كومپوزيتور ديانا يسمايلوۆا «قايدا؟» ءانىن سوزىمەن قوسا 9 سىنىپ وقىپ جۇگەن كەزىندە ءۇرجاردا جازعان. كەيىن مەكتەپتى ءتامامداپ, الماتىعا كەلگەن سوڭ ول تۋىندىسىن قايىرا قولعا الىپ، ارانجيروۆكاسىن جاساي باستاعان. وسى كەزدە اتالمىش ءان الدەكىمدەر ارقىلى ەركە ەسماحاننىڭ قۇلاعىنا جەتەدى. ەركە ەسماحان رەپەرتۋارىنا الىپ ورىنداعىسى كەلەتىنىن ايتىپ دياناعا حابارلاسىپتى.
ديانا ەكى-ءۇش كۇن ويلانىپ، قينالا-قينالا رۇقساتىن بەرگەن.
- ءاننىڭ كەيبىر شۋماقتارىن اقىن قاينار الاگوزوۆ جازىپ، تاعى بىرنەشە قالا اتتارىن قوستى. مەن وعان اسا رەنجي قويمادىم. ويتكەنى، ءاننىڭ بارلىق اۆتورلىق قۇقىقتارى مەندە ساقتالعان،-دەيدى ول.
ءان ەفيرگە كەتىپ، شىرقالا باستاعاننان سوڭ ءبىر ايدان كەيىن قىرعىزدار حابارلاسىپتى. قازىر قىرعىز ءانشىسى گۇلناز چىنىبەك قىزى ءاندى ءوز تىلىنە اۋدارتىپ، قىرعىزشا ايتىپ ءجۇر. ول جاقتا دا جاستاردىڭ ءسۇيىپ ايتاتىن انىنە اينالعان. ۇرجارلىق ديانا الداعى ءومىرىن تەك ونەرمەن بايلانىستىرىپ وتىر، دەپ حابارلايى informبيۋرو.
