اعىمداعى جىلدىڭ 21 شىلدەسىندە جامبىل وبلىسىنا جۇمىس ساپارى بارىسىندا قازاقستان رەسپۋبليكاسى پرەزيدەنتىنىڭ كەڭەسشىسى مالىك وتارباەۆ قالامىزداعى دوستىق ۇيىنە كەلىپ، وڭىردەگى ەتنومادەني بىرلەستىكتەردىڭ وكىلدەرىمەن كەزدەستى.
شاراعا جامبىل وبلىسى اكىمىنىڭ ورىنباسارى ەركىن ۇيسىمباەۆ قاتىستى.
كەزدسۋدىڭ العى ءسوزىن جامبىل وبلىسى قحا توراعاسىنىڭ قوعامدىق ورىنباسارى جاليل اببوسوۆ ءسوز سويلەدى. ءوز سوزىندە ول قازاقستاندىق پاتريوتيزمگە باسا نازار اۋداردى.
تاراز قالاسىنىڭ وزبەك مادەني ورتالىعىنىڭ توراعاسى ابدۋراحمان زاينۋتدينوۆ، «اينۇر» تاتار-باشقۇرت مادەني ورتالىعى» قب توراعاسى امير حاليكوۆ، «دنەپرو» ۋكراين ەتنومادەني ورتالىعىنىڭ توراعاسى فەدور كليمەنكو، «رادونەج» ورىس قاۋىمىنىڭ توراعاسى ۆلاديمير سوروكين جانە باسقالارى سۇراقتار قويىپ، پىكىرلەرمەن ءبولىستى.
مالىك وتارباەۆ «جاڭا قازاقستاننىڭ» قۇرىلىسى، ازاماتتىق ينستيتۋت الدىندا تۇرعان مىندەتتەر تۋرالى ايتىپ، قاتىسۋشىلاردىڭ قحا جۇمىسىن جاڭعىرتۋعا، ءتىل ساياساتىنا، بىرلىك پەن كەلىسىمدى نىعايتۋعا، قازاقستاندىق پاتريوتيزمگە قاتىستى كوپتەگەن سۇراقتارىنا جاۋاپ بەردى. سونداي-اق پرەزيدەنت كەڭەسشىسى مالىك وتارباەۆ ءوز سوزىندە قحا، ەتنومادەني بىرلەستىكتەر قىزمەتىندە جاڭا تاسىلدەردى پايدالانۋ جۇمىسىن كۇشەيتۋدىڭ ماڭىزدىلىعىن اتاپ ءوتتى.
