ەلىمىزدە ونلاين مەكتەپتەر مەن كوللەدجدەردى ەنگىزۋ زاڭدى نەگىزدە بەكىتىلۋى مۇمكىن. بۇل تۋرالى قر وقۋ-اعارتۋ ءمينيسترى اسحات ايماعامبەتوۆ حابارلادى، دەپ جازادى "ادىرنا" ۇلتتىق پورتالى.
"ارينە، ونلاين وقۋعا اركىم ءارتۇرلى كوزقاراس تانىتۋى مۇمكىن. بىراق ءبىز بۇل قازىرگى زاماننىڭ شىنايىلىعى ەكەنىن ءتۇسىنۋىمىز كەرەك. ءبىز ونلاين مەكتەپتەر مەن كوللەدجدەر بويىنشا نورمانى زاڭنامالىق تۇرعىدان بەكىتۋ ءۇشىن شارالار قابىلداعىمىز كەلەدى", - دەدى اسحات ايماعامبەتوۆ.
ءمينيستردىڭ ايتۋىنشا، بۇل ماسەلەنىڭ شەشىمى الدىن الا تالقىلاناتىن بولادى.
"قازىر ينتەرنەتتىڭ شەگى مەن شەتى جوق. ەگەر بالالار ەلىمىزدە ونلاين كوللەدجدەردە ءبىلىم الا الماسا، ولار شەكارالاس نەمەسە باسقا ەلدەردىڭ ونلاين كوللەدجدەرىندە ءبىلىم الادى. سوندىقتان بىزدە بۇل ماسەلەنىڭ جوق ەكەنىن ايتۋدان گورى، ءتيىستى ماسەلەنى شەشىپ، زاڭداستىرۋ كەرەك", – دەدى ايماعامبەتوۆ تامىز كونفەرەنتسياسىندا.
"ادىرنا" ۇلتتىق پورتالى
