Elimizde onlaın mektepter men kolledjderdi engizý zańdy negizde bekitilýi múmkin. Bul týraly QR Oqý-aǵartý mınıstri Ashat Aımaǵambetov habarlady, dep jazady "Adyrna" ulttyq portaly.
"Árıne, onlaın oqýǵa árkim ártúrli kózqaras tanytýy múmkin. Biraq biz bul qazirgi zamannyń shynaıylyǵy ekenin túsinýimiz kerek. Biz onlaın mektepter men kolledjder boıynsha normany zańnamalyq turǵydan bekitý úshin sharalar qabyldaǵymyz keledi", - dedi Ashat Aımaǵambetov.
Mınıstrdiń aıtýynsha, bul máseleniń sheshimi aldyn ala talqylanatyn bolady.
"Qazir ınternettiń shegi men sheti joq. Eger balalar elimizde onlaın kolledjderde bilim ala almasa, olar shekaralas nemese basqa elderdiń onlaın kolledjderinde bilim alady. Sondyqtan bizde bul máseleniń joq ekenin aıtýdan góri, tıisti máseleni sheship, zańdastyrý kerek", – dedi Aımaǵambetov tamyz konferenııasynda.
"Adyrna" ulttyq portaly
