7 ءتىلدى مەڭگەرگەن قازاقستاندىق تۇلەك اقتوتى اسانوۆا الەمنىڭ ەكى ۋنيۆەرسيتەتىنەن شاقىرتۋ الدى، دەپ حابارلايدى «ادىرنا» ءتىلشىسى.
ول – ءال-فارابي اتىنداعى قازاق ۇلتتىق ۋنيۆەرسيتەتىنىڭ بەيىندىك مەكتەبىنىڭ تۇلەگى. اعىلشىن، تۇرىك، قىتاي، يسپان، فرانتسۋز، ورىس، قازاق تىلدەرىن جەتىك بىلەدى. ەندى 8-ءشى ءتىل – اراب ءتىلىن ۇيرەنىپ ءجۇر.
جاس پوليگلوت 15 جاسىنان الماتى قالاسىنداعى ءتىل ورتالىعىندا اعىلشىن تىلىنەن ساباق بەرىپ، ءتىل مەڭگەرۋ ادىستەمەسىن قوسا شىڭداعان. ابايدىڭ 70-كە جۋىق ولەڭىن جاتقا وقىپ، بىرنەشە رەت رەسپۋبليكالىق جارىستاردىڭ جەڭىمپازى اتانعان. ەڭبەكقورلىعىنىڭ ارقاسىندا اقتوتى اسانوۆا شەتەلدىك 2 بىردەي جوعارى وقۋ ورنىنىڭ گرانتىن يەلەندى. اتاپ ايتساق، بەيجىڭ ءتىل جانە مادەنيەت ۋنيۆەرسيتەتىنىڭ شەتەل فيلولوگيا فاكۋلتەتىنىڭ «اۋدارماشى» ماماندىعىنا (قىتاي، اعىلشىن) بولىمىنە (قحر، پەكين) مەن ەگە ۋنيۆەرسيتەتىنىڭ حالىقارالىق قاتىناستار فاكۋلتەتىنىڭ «ەكونوميكا جانە بيزنەس» ماماندىعىنا (تۇركيا، ءىزمىر) تۇسكەن.
اقتوتى ەگە ۋنيۆەرسيتەتىن تاڭداپ، ەندى ءتىل مەڭگەرۋمەن قاتار ەكونوميكا جانە بيزنەس سالاسىنا دەن قويماق.
