7 tildi meńgergen qazaqstandyq túlek Aqtoty Asanova álemniń eki ýnıversıtetinen shaqyrtý aldy, dep habarlaıdy «Adyrna» tilshisi.
Ol – Ál-Farabı atyndaǵy Qazaq ulttyq ýnıversıtetiniń Beıindik mektebiniń túlegi. Aǵylshyn, túrik, qytaı, ıspan, franýz, orys, qazaq tilderin jetik biledi. Endi 8-shi til – arab tilin úırenip júr.
Jas polıglot 15 jasynan Almaty qalasyndaǵy til ortalyǵynda aǵylshyn tilinen sabaq berip, til meńgerý ádistemesin qosa shyńdaǵan. Abaıdyń 70-ke jýyq óleńin jatqa oqyp, birneshe ret respýblıkalyq jarystardyń jeńimpazy atanǵan. Eńbekqorlyǵynyń arqasynda Aqtoty Asanova sheteldik 2 birdeı joǵary oqý ornynyń grantyn ıelendi. Atap aıtsaq, Beıjiń til jáne mádenıet ýnıversıtetiniń Shetel fılologııa fakýltetiniń «Aýdarmashy» mamandyǵyna (qytaı, aǵylshyn) bólimine (QHR, Pekın) men Ege ýnıversıtetiniń halyqaralyq qatynastar fakýltetiniń «Ekonomıka jáne bıznes» mamandyǵyna (Túrkııa, Izmir) túsken.
Aqtoty Ege ýnıversıtetin tańdap, endi til meńgerýmen qatar ekonomıka jáne bıznes salasyna den qoımaq.
