فوتو: جي
قوستاناي وبلىسىندا 10 جاستاعى بالاعا جىنىستىق زورلىق-زومبىلىق جاسالدى دەگەن كۇدىك بويىنشا قىلمىستىق ءىس قوزعالدى، دەپ حابارلايدى “ادىرنا”.
وقيعاعا التىنشى سىنىپتا وقيتىن 11 جانە 12 جاستاعى ەكى بالانىڭ قاتىسى بولۋى مۇمكىن. الايدا ولاردىڭ ىسكە قاتىسى رەسمي تۇردە راستالعان جوق.
بۇل تۋرالى «نەمولچي.kz» قوعامدىق قورى اقپارات تاراتقان.
ۇيىم وكىلدەرىنىڭ حابارلاۋىنشا، ولار اتالعان وقيعاعا بايلانىستى وبلىستىق پوليتسيا دەپارتامەنتى مەن پروكۋراتۋراعا ءوتىنىش جولداعان.
قور وكىلدەرى اۋداندىق پوليتسيا ءبولىمىنىڭ باسشىسى قىلمىستىق ءىستىڭ جابىلۋى مۇمكىن ەكەنىن ايتقانىن جەتكىزدى. ۇيىم مۇنداي شەشىم بالالاردىڭ جاسىنا بايلانىستى قابىلدانۋى مۇمكىن دەپ قاۋىپتەنىپ، ءىستىڭ جان-جاقتى ءارى تولىق تەرگەلۋىن تالاپ ەتىپ وتىر.
سونىمەن قاتار قوعامدىق قور جابىرلەنگەن بالانىڭ اناسىنا قىسىم كورسەتىلۋى مۇمكىن ەكەنىن مالىمدەدى. ۇيىم وكىلدەرى وتباسىعا ىقپال ەتۋگە، ولاردى قانداي دا ءبىر شەشىم قابىلداۋعا ماجبۇرلەۋگە جانە تەرگەۋ جۇمىستارىنا كەدەرگى كەلتىرۋگە جول بەرمەۋ قاجەتتىگىن اتاپ ءوتتى.
قوستاناي وبلىستىق پوليتسيا دەپارتامەنتى وقيعانىڭ قامىستى اۋدانىندا تىركەلگەنىن راستادى. ۆەدومستۆونىڭ مالىمەتىنشە، 16 قاراشادا وسى دەرەك بويىنشا قىلمىستىق ءىس قوزعالعان.
