پرەزيدەنت قاسىم-جومارت توقاەۆ قورعانىس ءمينيسترىنىڭ ورىنباسارى اسكەر بەيسەنوۆتى قىزمەتىنەن بوساتتى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن اسكەر قۇرمانعاليۇلى بەيسەنوۆ قازاقستان رەسپۋبليكاسى قورعانىس ءمينيسترىنىڭ ورىنباسارى لاۋازىمىنان بوساتىلدى»،– دەلىنگەن حابارلامادا.
اسكەر بەيسەنوۆ بۇل قىزمەتتى 2023 جىلدىڭ ءساۋىر ايىنان بەرى اتقارىپ كەلگەن ەدى.
ەندى بۇل قىزمەتتى بىرنەشە ساعات بۇرىن وكىلەتى توقتاتىلعان قۇرىلتاي دەپۋتاتى تاتيانا ساۆەلەۆا اتقارادى.
«مەملەكەت باسشىسىنىڭ وكىمىمەن تاتيانا ميحايلوۆنا ساۆەلەۆا قازاقستان رەسپۋبليكاسى قورعانىس ءمينيسترىنىڭ ورىنباسارى لاۋازىمىنا تاعايىندالدى»، -دەلىنگەن حابارلامادا.
ەسكە سالايىق، بۇگىن، 7 قازاندا قۇرىلتاي دەپۋتات تاتيانا ساۆەلەۆانىڭ وكىلەتتىگىن مەرزىمىنەن بۇرىن توقتاتۋىنا 130 ادام قولداپ داۋىس بەرسە، ەكەۋى قالىس قالعان ەدى. قارسى داۋىس بەرگەندەر بولعان جوق.
