وپەك+ مۇشە جانە مۇناي ءوندىرۋدى ەرىكتى تۇردە قىسقارتۋ جونىندە قوسىمشا مىندەتتەمە العان ەلدەر الەمدىك نارىقتاعى احۋالدى تالقىلاپ، ونلاين كەزدەسۋ وتكىزدى، دەپ حابارلايدى "ادىرنا" ءتىلشىسى.
كەزدەسۋ قورىتىندىسى بويىنشا ساۋد ارابياسى، رەسەي، يراك، كۋۆەيت، قازاقستان، الجير جانە ومان 2026 جىلدىڭ قىركۇيەك ايىنان باستاپ مۇناي ءوندىرۋ كولەمىن تاۋلىگىنە 188 مىڭ باررەلگە ۇلعايتۋ تۋرالى شەشىم قابىلدادى.
وپەك+ مالىمەتىنشە، بۇل قادام الەمدىك مۇناي نارىعىنداعى تەپە-تەڭدىك پەن تۇراقتىلىقتى ساقتاۋعا، سونداي-اق ءوندىرىس كولەمىن كەزەڭ-كەزەڭىمەن قالپىنا كەلتىرۋگە باعىتتالعان.
جاريالانعان كۆوتالارعا سايكەس، قازاقستاننىڭ قىركۇيەك ايىنداعى مۇناي ءوندىرۋ كۆوتاسى تاۋلىگىنە 1,628 ملن باررەلدى قۇرايدى. ەڭ جوعارى كۆوتا ساۋد ارابياسىنا – 10,478 ملن باررەل، رەسەيگە – 9,949 ملن باررەل كولەمىندە بەلگىلەنگەن. ال ەڭ تومەنگى كورسەتكىش ومانعا تيەسىلى.
وپەك+ مينيسترلەرىنىڭ جەتى ەل قاتىساتىن كەلەسى اي سايىنعى وتىرىسى 2026 جىلعى 6 قىركۇيەككە جوسپارلانعان.
