Semserlesuden Qazaqstan erler komandasy Gonkong qalasynda ötıp jatqan älem chempionatynyŋ finalyna şyǧyp, tarihi nätije tırkedı. Būl turaly 29 şıldede Turizm jäne sport ministrlıgı jazdy, dep habarlaidy «Adyrna» tılşısı.
Qazaqstan komandasy (Ruslan Kurbanov, Erlık Sertai, Kirill Prohodov, Vadim Şarlaimov) finalda Ukraina semserlesu şeberlerımen küş synasty. Bas jülde üşın bolǧan tartysty aiqas 45-40 esebımen aiaqtalyp, bızdıŋ törttık Qazaqstanǧa sporttyŋ osy türınen älem chempionatynyŋ alǧaşqy altyn jüldesın syilady.
Būl - Qazaqstan erler komandasy üşın jalpy älem chempionatynyŋ alǧaşqy finaly. Osyǧan deiıngı üzdık körsetkış - byltyrǧy qola medal. Qazaqstan bır jyl būryn Gruziia astanasynda ötken dodada älemdık deŋgeidegı köşbasşy Fransiiany ūtyp, tarihi qola jüldege qol jetkızgen.
Qazır semserlesuden erler ūlttyq qūramasy älem reitingınde 5-orynda tūr.
