قحر توراعاسى سي تسزينپين شەتەلدە تۇراتىن قىتايلىقتاردى، ەلگە ورالعان قىتايلاردى جانە ولاردىڭ تۋىستارىن كۇش بىرىكتىرىپ، قىتايدى قۋاتتى مەملەكەتكە اينالدىرۋعا ۇلەس قوسۋعا شاقىردى، دەپ حابارلايدى «ادىرنا» ءتىلشىسى سينحۋاعا سىلتەمە جاساپ.
قىتاي كوممۋنيستىك پارتياسى ورتالىق كوميتەتىنىڭ باس حاتشىسى جانە ورتالىق اسكەري كەڭەستىڭ توراعاسى قىزمەتتەرىن قاتار اتقاراتىن سي تسزينپين بۇل تۋرالى شەتەلدەگى وتانداستارمەن جۇمىسقا قاتىستى نۇسقاۋلار بەرۋ بارىسىندا مالىمدەدى.
اگەنتتىك مالىمەتىنشە، قىتايدان تىس جەرلەردەگى 200-گە جۋىق ەل مەن وڭىردە 60 ميلليوننان استام قىتايلىق تۇرادى. بۇدان بولەك، 40 ميلليوننان استام ادام شەتەلدەن تاريحي وتانىنا ورالىپ، قىتاي مادەنيەتىن ناسيحاتتاۋ، حالىقارالىق الماسۋ مەن ىنتىماقتاستىقتى دامىتۋ ارقىلى ەلدىڭ وركەندەۋىنە ۇلەس قوسىپ كەلەدى.
سي تسزينپين پارتيانىڭ شەتەلدەگى قىتايلىقتارعا قاتىستى ساياساتىن جان-جاقتى جۇزەگە اسىرۋعا شاقىرىپ، شەتەلدە تۇراتىن قىتايلىقتاردى، ەلگە ورالعان قانداستاردى جانە ولاردىڭ تۋىستارىن ۇلتتىق بىرىگۋ ىسىنە بەلسەندى قاتىسۋ ءۇشىن وزدەرىنىڭ ەرەكشە مۇمكىندىكتەرىن پايدالانۋعا باعىتتاۋ قاجەتتىگىن اتاپ ءوتتى.
