بۇگىن الماتى قالاسىندا «قازاق مەديا قاۋىمداستىعى» توراعاسى ەربول ازانبەك پەن «تۇركى الەمى راديو جانە تەلەجۋرناليستەر قاۋىمداستىعىنىڭ» توراعاسى Olgunay Köse ءوزارا ىنتىماقتاستىق تۋرالى مەموراندۋمعا قول قويدى.
كەزدەسۋ بارىسىندا تاراپتار تۇركى مەملەكەتتەرىنىڭ مەديا سالاسىنداعى ىنتىماقتاستىعىن نىعايتۋ، تاجىريبە الماسۋ، بىرلەسكەن جوبالاردى جۇزەگە اسىرۋ جانە جۋرناليستەر اراسىنداعى كاسىبي بايلانىستى دامىتۋ ماسەلەلەرىن تالقىلادى.
بۇگىندە جاساندى ينتەللەكت مەديا سالاسىنا تۇبەگەيلى وزگەرىس اكەلىپ وتىر. بۇل ۇدەرىستەن ەشبىر ەل شەت قالمايدى. سوندىقتان ورتالىق ازيا مەن تۇركى الەمى ەلدەرىنىڭ مەدياسى بۇل باعىتتا كۇش بىرىكتىرىپ، تاجىريبە الماسىپ، ورتاق جوبالاردى جۇزەگە اسىرۋى اسا ماڭىزدى.
قازىرگى تاڭدا تۇركيا جانە ورتالىق ازيا ەلدەرىنىڭ مەديا ۇيىمدارىمەن كەلىسسوزدەر جالعاسۋدا. كۇزدە استانا قالاسىندا وتەتىن قازاقتىلدى باق-تىڭ حالىقارالىق فورۋمىنا تۇركى مەملەكەتتەرى مەن ورتالىق ازيا ەلدەرىنىڭ جۋرناليستىك ۇيىمدارىنىڭ وكىلدەرىن شاقىرۋ جوسپارلانىپ وتىر.
الماتىداعى بۇگىنگى مەموراندۋم – وسى حالىقارالىق ىنتىماقتاستىقتىڭ ماڭىزدى باستامالارىنىڭ ءبىرى.
ورتاق ماقساتىمىز – تۇركى الەمى مەدياسىنىڭ جاڭا تەحنولوگيالارعا بەيىمدەلۋىنە، جاساندى ينتەللەكت مۇمكىندىكتەرىن ءتيىمدى پايدالانۋعا جانە ساپالى جۋرناليستيكانى دامىتۋعا بىرگە ۇلەس قوسۋ.
بىرلىك پەن ىنتىماقتاستىق – ورتاق بولاشاعىمىزدىڭ كەپىلى.
