قازاقستاندا مەكتەپتەن تىس جەردە ۇيىمداستىرىلاتىن ءبىتىرۋ كەشتەرىنە قاتاڭ جازا قولدانىلادى، دەپ حابارلايدى "ادىرنا" ۇلتتىق پورتالى.
مينيستر جۇلدىز سۇلەيمەنوۆا مەكتەپ ءبىتىرۋ كەشتەرىن مەيرامحانا مەن باسقا دا كوڭىل كوتەرۋ ورىندارىندا وتكىزۋگە قاتىستى بىرلەسكەن بۇيرىقتا ناقتى تالاپتار كورسەتىلگەنىن ايتتى.
«بۇل بۇيرىقتا ايىپپۇل سانكتسيالارى قاراستىرىلماعان. بىراق بالالاردىڭ قۇقىعى، قاۋىپسىزدىگى نەمەسە قوعامدىق ءتارتىپ بۇزىلسا، زاڭنامادا كوزدەلگەن نورمالار قولدانىلادى. اكىمدىكتەر مەن جەرگىلىكتى پوليتسيا دەپارتامەنتتەرى ءتيىستى شارا قابىلداي الادى»، – دەدى جۇلدىز سۇلەيمەنوۆا.
سونىمەن قاتار ول اتا-انالاردىڭ ءوز وتباسىمەن بىرگە قوعامدىق ورىندا مەرەكەلەۋىنە ەشقانداي شەكتەۋ جوق ەكەنىن اتاپ ءوتتى.
الايدا مينيستر ءسان-سالتاناتتى كەشتەر ۇيىمداستىرۋعا قاتىستى شەكتەۋلەر ساقتالۋى قاجەت ەكەنىن ەسكەرتتى.
«ەگەر ليمۋزين جالداپ، ۇلكەن مەيرامحانالاردا اۋقىمدى كەش وتكىزىلسە، وندا بۇيرىقتا كورسەتىلگەن تالاپتار قولدانىلادى. سونداي-اق ۇلكەن كولەمدە اقشا جيناۋعا تىيىم سينيسلىنعان»، – دەدى مينيستر.
