فوتو: الماتى اكىمدىگى
مەملەكەت باسشىسىنىڭ اتىنان الماتى اكىمى دارحان ساتىبالدى كورنەكتى اقىن، جازۋشى ءارى قوعام قايراتكەرى ولجاس سۇلەيمەنوۆتى 90 جاس مەرەيتويىمەن قۇتتىقتادى. بۇل تۋرالى قالا اكىمدىگى مالىمدەدى، دەپ حابارلايدى "ادىرنا".
قالا اكىمى وعان ادەبيەت، مادەنيەت، قوعامدىق وي-پىكىر مەن انتيادرولىق قوزعالىستى دامىتۋعا قوسقان ولشەۋسىز ۇلەسى ءۇشىن قۇرمەت كورسەتىپ، جۇرەكجاردى لەبىزىن جەتكىزدى.
"ولجاس ومارۇلى قازاق ادەبيەتىنىڭ كوكجيەگىن كەڭەيتىپ، پوەزياعا جاڭا كوركەمدىك تىنىس اكەلدى. سونىمەن قاتار ونىڭ باستاماسىمەن قۇرىلعان «نەۆادا-سەمەي» قوزعالىسى يادرولىق سىناقتارعا قارسى الەمدىك كۇرەستىڭ سيمۆولىنا اينالىپ، سەمەي پوليگونىنىڭ جابىلۋىنا ىقپال ەتتى", دەلىنگەن حابارلامادا.
كەزدەسۋ سوڭىندا قالا باسشىسى ابىز اقساقالعا زور دەنساۋلىق، ۇزاق عۇمىر جانە وتباسىنا اماندىق تىلەدى.
