دونالد ترامپ نيگەريادا جۇرگىزىلگەن ارنايى وپەراتسيا بارىسىندا دايش تەرروريستىك ۇيىمىنىڭ جوعارى لاۋازىمدى كومانديرلەرىنىڭ ءبىرى جويىلعانىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى اقش پرەزيدەنتى الەۋمەتتىك جەلىسىندەگى پاراقشاسىندا جازدى.
ترامپتىڭ ايتۋىنشا، وپەراتسيا اقش اسكەري كۇشتەرى مەن نيگەريا قارۋلى كۇشتەرىنىڭ بىرلەسكەن قاتىسۋىمەن جۇزەگە اسقان. نىسانا رەتىندە دايش-تىڭ جاھاندىق قۇرىلىمىنداعى ەكىنشى تۇلعا اتالعان ابۋ-بيلال ءال-مينۋكي كوزدەلگەن. اقش پرەزيدەنتى ارنايى وپەراتسيانىڭ مۇقيات جوسپارلانعانىن اتاپ ءوتىپ، ونىڭ ناتيجەسىندە افريكاداعى تەرروريستىك ارەكەتتەرگە ەلەۋلى سوققى جاسالعانىن مالىمدەدى.
«ول ەندى افريكا حالىقتارىن قورقىتىپ، امەريكالىقتارعا قارسى شابۋىلداردى جوسپارلاي المايدى. ونىڭ جويىلۋىمەن دايش-تىڭ جاھاندىق قىزمەتى ايتارلىقتاي السىرەدى»، — دەپ جازدى ترامپ.
سونىمەن قاتار اقش پرەزيدەنتى وپەراتسياعا قولداۋ كورسەتكەن نيگەريا ۇكىمەتىنە العىس ءبىلدىردى.
