بەس ەل «ەۋروۆيدەنيە-2026» ءان بايقاۋىنا قاتىسۋدان باس تارتتى. بۇل شەشىمگە ءيزرايلدىڭ بايقاۋعا قاتىسۋىنا رۇقسات بەرىلۋى سەبەپ بولعان، دەپ حابارلايدى «ادىرنا» ءتىلشىسى BBC-گە سىلتەمە جاساپ.
بويكوت تۋرالى شەشىمدى يسپانيا، يرلانديا، نيدەرلاند، يسلانديا جانە سلوۆەنيانىڭ ۇلتتىق حابار تاراتۋشىلارى جاريالادى. يسپانيانىڭ راديو جانە تەلەۆيزيا كورپوراتسياسىنىڭ توراعاسى حوسە پابلو لوپەس بويكوتتىڭ سەبەپتەرى تۋرالى پىكىر ءبىلدىردى.
«ەۋروۆيدەنيە» ءان بايقاۋىن ۇيىمداستىرۋشىلاردىڭ ءبىرى رەتىندە ءبىز ورتاق جاۋاپكەرشىلىك ارقالايمىز. يزرايل بايقاۋعا تۇراقتى تۇردە قاتىسىپ كەلگەنىمەن، قازىرگى وقيعالار مەن قازىر بولىپ جاتقان گەنوتسيدكە كوز جۇما قاراۋ ءبىز ءۇشىن مۇمكىن ەمەس»، — دەدى ول.
لوپەس سونداي-اق بۇگىنگى كۇنى «ەۆروۆيدەنيەنى» ساياساتتان تىس مۋزىكالىق فەستيۆال دەپ ساناۋ قاتە ەكەنىن ايتتى.
«بايقاۋدىڭ ۇلكەن ساياسي مانگە يە ەكەنىن ءبارىمىز تۇسىنەمىز. يزرايل ۇكىمەتى دە مۇنى جاقسى بىلەدى جانە بۇل شارانى حالىقارالىق ارەنادا پايدالانىپ وتىر»، — دەپ اتاپ ءوتتى ول.
«ەۋروۆيدەنيە-2026» بايقاۋى 12–16 مامىر ارالىعىندا ۆەنا قالاسىندا وتەدى.
