كەنتاۋ قالاسىندا «تازا قازاقستان» باعدارلاماسى اياسىندا كوپقاباتتى تۇرعىن ۇيلەردىڭ اۋلالارىندا تازالىق شاراسى وتكىزىلدى.
شاھار تۇرعىندارىنىڭ، ونىڭ ىشىندە اتا-انالار مەن بالالاردىڭ قاتىسۋىمەن وتكەن جوبا «قالدىقسىز الەم» حالىقارالىق كۇنىنە وراي قورشاعان ورتانى قورعاۋ ماقساتىندا ء«بىر پاكەت قوقىس — ءبىر بالمۇزداق» دەگەن اتاۋمەن ۇيىمداستىرىلعان.
ءىس-شارا بارىسىندا بالالار قوقىس جيناۋعا بەلسەندى قاتىسىپ، قورشاعان ورتانىڭ تازالىعىن ساقتاۋعا ءوز ۇلەستەرىن قوستى. ءاربىر جينالعان قوقىس پاكەتى ءۇشىن بالالارعا ىنتالاندىرۋ رەتىندە بالمۇزداق تاراتىلدى. يگى باستاماعا جالپى 500-گە جۋىق ازامات بەلسەنە قاتىسقان. اتالعان باستاما ەكولوگيالىق مادەنيەتتى قالىپتاستىرۋعا، تابيعاتقا ۇقىپتى قاراۋعا جانە وسكەلەڭ ۇرپاقتى تازالىق پەن ءتارتىپ ماسەلەلەرىنە تارتۋعا باعىتتالعان.
