بەلگىلى ساياساتتانۋشى دوسىم ساتباەۆ ءماجىلىس دەپۋتاتى ايدوس سارىمنىڭ سوڭعى سۇحباتىنا پىكىر ءبىلدىردى، دەپ حابارلايدى «ادىرنا» ءتىلشىسى.
بۇعان دەيىن دەپۋتات الەۋمەتتىك جەلىنى «بالالار الاڭىنا» تەڭەگەن ەدى.
«قازاقستاندا حالىقتىڭ 80%-دان استامى الەۋجەلىنى پايدالانادى. ونىڭ ىشىندە بيلىك وكىلدەرى دە بار. الەۋمەتتىك جەلىلەر باستاپقىدا ءارتۇرلى پىكىر ءبىلدىرۋ قۇرالى رەتىندە جاسالعان. ونىڭ ىشىندە كەيبىرىنە ۇنامايتىن دا ويلار بولادى. بۇرىن ايدوس ءۇشىن الەۋمەتتىك جەلىلەر بيلىككە «قارسىلىعىن» جاريالايتىن باستى الاڭ بولدى. ول ءوزىن مارگينال دەپ ساناماعان. مۇمكىن ۇمىتىپ كەتكنن شىعار. بىراق الەۋمەتتىك جەلىلەر ءبارىن ەستە ساقتايدى. مۇمكىن، كەيبىر ادامدار ونى دا ۇناتپايتىن شىعار، ويتكەنى الەۋمەتتىك جەلىلەرگە بەيىمدەلىپ، ساياسي يكەمدىلىكتى جاقسى مەڭگەرگەندەردى ولار سىيلامايدى. ايتا كەتەر جايت، ناعىز سايلاۋ جۇيەسىندە كەز كەلگەن دەپۋتات مۇنداي مالىمدەمە جاساسا، ساياسي ومىردەن بىردەن كەتەر ەدى. الايدا بىزدەن جۇيەمىزدە ءبارى كەرىسىنشە»،- دەدى دوسىم ساتباەۆ.
سونداي-اق ساياساتتانۋشى ايدوس سارىمنىڭ «قولايلى ايماقتان شىعىپ، ناقتى ساياساتقا كەل» دەگەن شاقىرۋىنا دا جاۋاپ بەردى.
«مەن قازىر ءارتۇرلى پىكىردەگى ادامداردىڭ ەشقانداي «قولايلى ايماعى» جوق دەپ ويلايمىن. كەرىسىنشە، ولاردىڭ كوپشىلىگىن وسى پىكىرى ءۇشىن الەۋمەتتىك جەلىدەن بلوكتاۋ، تاپسىرىس بويىنشا اقپاراتتىق شابۋىلدار ارقىلى ءانونيمدى تۇردە سىناۋ نەمەسە قۇقىق قورعاۋ ورگاندارىنىڭ قىسىمى كۇتىپ تۇر، ال كەيبىرەۋلەر ءۇشىن ءتىپتى قامالۋ قاۋپى بار»،-دەدى ول.
دوسىم ساتباەۆ سۇحباتتا اگرەسسيا كوپتىگىن ايتتى.
«ەگەر سۇحباتقا مۇقيات قاراساق، ونىڭ مازمۇنى ءىس جۇزىندە «وق اتۋ ءتىزىمىن» ەسكە سالعانداي اسەر قالدى. قازىردىڭ وزىندە ارتىنان كەلگەندەر مەن جاقىندا ارتىنان كەلۋى مۇمكىن ادامدار كورسەتىلگەندەي. بۇل وتكەن عاسىردىڭ 30-جىلدارىندا «پراۆدا» گازەتىندە جاريالانعان ماقالانى ەسكە تۇسىرەدى، وندا بىرەۋدى سىنعا العاننان كەيىن كوبىنە «قارا ءتىزىم» جۇرەتىن. سوندىقتان بۇل ەشكىمگە توسىن سىي بولمايدى. دەگەنمەن، تاريح قايتالانسا دا، ول 1937 جىلعا قايتا ورالمايدى دەپ سەنگىڭ كەلەدى. ويتكەنى گەوساياسي حاوس جاعدايىندا ەلدى شىنىمەن بىرىكتىرۋ قاجەت، بىراق بۇل تەك كونسترۋكتيۆتى پىكىرلەردىڭ ءپليۋراليزمى نەگىزىندە بولۋى ءتيىس»،-دەدى ساياساتتانۋشى.
