قازاقستان پرەزيدەنتى قاسىم-جومارت توقاەۆ قازاقستان حالقى جانە ءوز اتىنان كۋبا پرەزيدەنتى ميگەل ماريو دياس-كانەل بەرمۋدەستى جانە كۋبا حالقىن ازاتتىق كۇنىمەن قۇتتىقتادى. بۇل تۋرالى اقوردا جازدى، دەپ حابارلايدى “ادىرنا” ۇلتتىق پورتالى.
ايتا كەتسەك، 1 قاڭتار – كۋبا رەسپۋبليكاسىنىڭ ازات بولۋ كۇنى. 1959 جىلدان بەرى كۋبالىقتار وسى كۇندى اتاپ وتەدى.
"ەگەمەندىك پەن تەڭدىكتى بارىنەن جوعارى باعالايتىن ەلىڭىز بۇگىندە ءوزىنىڭ ساياسي جانە ەكونوميكالىق تۇراقتىلىعى مەن حالىقارالىق بەدەلىن نىعايتۋدا ايتارلىقتاي جەتىستىكتەرگە جەتۋدە. وتانداستارىڭىزعا ءارى قاراي دا ءوز ماقساتتارىنا قول جەتكىزۋگە تىلەكتەسپىن. قازاقستاننىڭ كاريب باسسەينىندەگى ەڭ جاقىن جانە سەنىمدى سەرىكتەسى كۋبامەن ەكىجاقتى قارىم-قاتىناسىمىز الداعى ۋاقىتتا دا حالقىمىزدىڭ يگىلىگىنە تەرەڭدەي تۇسەتىنىنە سەنىمدىمىن", – دەلىنگەن جەدەلحاتتا.
