11 ناۋرىز كۇنى استانا قالاسىنىڭ ءماسليحاتى عيماراتىندا ەلەكتر جارىعى ءوشىپ، سونىڭ سالدارىنان قالانىڭ قوعامدىق كەڭەسىنىڭ وتىرىسى ۋاقىتشا توقتاتىلدى، دەپ حابارلايدى “ادىرنا”.
وتىرىس قالالىق ءماسليحاتتىڭ زالىندا ءوتىپ جاتقان. جيىن باستالعاننان كەيىن بىرنەشە مينۋت وتكەن سوڭ تىكەلەي ەفيردەگى ترانسلياتسيا كۇتپەگەن جەردەن ءۇزىلىپ قالدى.
تالقىلاۋعا قاتىسۋشىلار چاتتا عيماراتتا ەلەكتر جارىعى وشكەنىن حابارلادى. كەيىنىرەك سول جەردە ەلەكتر ماماندارى جۇمىس ىستەپ جاتقانى بەلگىلى بولدى.
شامامەن 15 مينۋتتان كەيىن ەلەكتر قۋاتى قايتا بەرىلىپ، وتىرىستىڭ ترانسلياتسياسى جالعاستى.
وتىرىستا قالالىق ساياساتقا قاتىستى بىرنەشە نورماتيۆتىك-قۇقىقتىق اكتىلەردىڭ جوبالارى تالقىلاۋعا ۇسىنىلدى. اتاپ ايتقاندا:
- استانانىڭ ساۋلەتتىك كەلبەتىن قالىپتاستىرۋ جانە قالا قۇرىلىسى جوسپارلاۋ ەرەجەلەرىنە وزگەرىستەر ەنگىزۋ;
- اۆتوتۇراقتار مەن جانارماي قۇيۋ ستانتسيالارى ورنالاسقان جەر تەلىمدەرىنە ارنالعان جەر سالىعىنىڭ جاڭا بازالىق مولشەرلەمەلەرى;
- الەۋمەتتىك ماڭىزى بار ازىق-تۇلىك باعاسىن تۇراقتاندىرۋ ەرەجەلەرىنە تۇزەتۋلەر;
- تۇرعىن ءۇي كومەگىن كورسەتۋ تارتىبىنە وزگەرىستەر;
- قالاداعى تۇرعىن ءۇي قورىن جاڭارتۋ (رەنوۆاتسيا) باعدارلاماسىنا ەنگىزىلۋى مۇمكىن نىساندار ءتىزىمىن بەكىتۋ.
ەلەكتر قۋاتى قايتا بەرىلگەننەن كەيىن قوعامدىق كەڭەستىڭ وتىرىسى جالعاcقان.
