Petropavlda Pestroe kölınde 25 jastaǧy Täjıkstan azamaty suǧa batyp kettı. Būl turaly Soltüstık Qazaqstan oblysy tötenşe jaǧdailar departamentı mälımdedı, dep habarlaidy “Adyrna” ūlttyq portaly.
"Jastar katamaranǧa mınıp, jaǧadan tereŋdıgı şamamen 2,5-3 metr bolatyn jerge deiın jüzıp barǧan. Jıgıt suǧa batyp bara jatqany turaly eşbır belgı bermegen. Onyŋ qasynda bolǧan jıgıtter aldymen özderı qūtqarmaq bolǧan. Sodan keiın 100-150 metr qaşyqtyqta bolǧan qūtqaruşylar kömekke kelgen", - dedı brifingte Soltüstık Qazaqstan oblysy tötenşe jaǧdailar departamentı azamattyq qorǧanys basqarmasynyŋ bastyǧy Marat Mūratov.
Ol oqiǧa köldıŋ suǧa tüsuge tyiym salynǧan bölıgınde bolǧanyn atap öttı.
"Qūtqaruşylar suǧa batqan adamdy şyǧaryp, tırıltpek bolǧan, bıraq, ökınışke qarai, jıgıttı aman alyp qala almady. Därıgerler men jedel järdem brigadasy da jas jıgıtke jan bıtıre almady", - dedı Mūratov.
Osydan üş kün būryn Petropavldaǧy Pestroe kölınde 64 jastaǧy er adam belgısız jaǧdaida suǧa batyp kettı.
Soltüstık Qazaqstan oblysynda jyl basynan berı bes adam suǧa kettı, onyŋ bırı bala. Qaiǧyly jaǧdailardyŋ barlyǧy şomyluǧa arnalmaǧan oryndarda bolǧan. Ötken jyly öŋırde 22 adam suǧa kettı, onyŋ ışınde alty bala bar.
“Adyrna” ūlttyq portaly
