قاراعاندى وبلىسىندا سۋ-30سم جويعىش ۇشاعىنىڭ اپاتقا ۇشىراۋىنا قاتىستى قورعانىس ءمينيسترى داۋرەن كوسانوۆ پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ءمينيستردىڭ ايتۋىنشا، قازىرگى تاڭدا وقيعا بويىنشا ارنايى كوميسسيا تەرگەۋ جۇرگىزىپ جاتىر. زەرتتەۋ اياقتالعاننان كەيىن اپاتتىڭ ناقتى سەبەپتەرى جاريا ەتىلەدى.
«ەشقانداي قاتەلىك بولعان جوق. بۇل – جاڭا ۇشاق. رەسەيدە وندىرىلگەن سۋ-30سم 2022 جىلى جەتكىزىلگەن. ۇشاقتىڭ ۇشۋ ۋاقىتى 230 ساعاتتى قۇرايدى. ەڭ باستىسى – ۇشقىشتار امان، ولار زارداپ شەككەن جوق»، – دەدى مينيستر.
ەسكە سالا كەتەيىك، 25 اقپاندا قاراعاندى وبلىسىندا جوسپارلى وقۋ-جاتتىعۋ ۇشۋلارى كەزىندە سۋ-30سم جويعىش ۇشاعى اپاتقا ۇشىراعان.
ۇقساس جاڭالىقتار
