قازاقستاندا جاڭا كونستيتۋتسيانىڭ جوباسى كوپشىلىك نازارىنا ۇسىنىلدى. بۇل باستاما ەلىمىزدىڭ ساياسي جانە قۇقىقتىق دامۋىنىڭ جاڭا كەزەڭىن ايقىندايتىن ماڭىزدى قادام رەتىندە باعالانىپ وتىر.
قر وقۋ-اعارتۋ ءمينيسترى جۇلدىز سۇلەيمەنوۆا جاڭا كونستيتۋتسيا جوباسىنا قاتىستى پىكىر ءبىلدىرىپ، ونىڭ مەملەكەت باسشىسى قاسىم-جومارت توقاەۆتىڭ پارلامەنتتىڭ ءبىرپالاتالى مودەلىنە كوشۋ جونىندەگى باستاماسىنا نەگىزدەلگەنىن اتاپ ءوتتى.
«بارشاڭىزعا بەلگىلى جاڭا كونستيتۋتسياسىنىڭ جوباسى كوپشىلىككە ۇسىنىلدى. بۇل – ەلىمىزدىڭ ساياسي جانە قۇقىقتىق دامۋىنىڭ جاڭا كەزەڭىن ايقىندايتىن ماڭىزدى قادام. كونستيتۋتسيالىق رەفورمالارعا مەملەكەت باسشىسى قاسىم-جومارت كەمەلۇلى توقاەۆتىڭ پارلامەنتتىڭ ءبىرپالاتالى مودەلىنە كوشۋ تۋرالى باستاماسى نەگىز بولدى. جارتى جىلعا جۋىق جۇرگىزىلگەن ساراپتامالىق جۇمىس جانە قوعامدىق تالقىلاۋ ناتيجەسىندە، وزگەرىستەردىڭ اۋقىمى مەن تەرەڭدىگىن ەسكەرىپ، جاڭا كونستيتۋتسيا قابىلداۋ تۋرالى شەشىم ەنگىزىلدى»، – دەدى جۇلدىز سۇلەيمەنوۆا.
مينيستر اتاپ وتكەندەي، جوبا كونستيتۋتسيا دەڭگەيىندە ادىلەتتىلىك، زاڭ مەن ءتارتىپ، سونداي-اق تابيعاتقا جاۋاپكەرشىلىكپەن قاراۋ قاعيداتتارىن بەكىتۋدى كوزدەيدى.
«جوبا كونستيتۋتسيا دەڭگەيىندە ادىلەتتىلىك، زاڭ مەن ءتارتىپ، تابيعاتقا جاۋاپكەرشىلىكپەن قاراۋ قاعيداتتارىن بەكىتەدى. ءبىلىم، عىلىم، مادەنيەت پەن يننوۆاتسياعا باسىمدىق بەرۋ – ادام كاپيتالىنا سۇيەنەتىن زاماناۋي مەملەكەتتىڭ باعدارىن ايقىندايدى.
