مەملەكەت باسشىسى قاسىم-جومارت توقاەۆ كونستيتۋتسيالىق رەفورما جونىندەگى كوميسسيانى (كونستيتۋتسيالىق كوميسسيا) قۇرۋ تۋرالى جارلىققا قول قويدى. بۇل تۋرالى بۇگىن، 21 قاڭتاردا اقوردا جازدى، دەپ حابارلايدى «ادىرنا» ءتىلشىسى.
«كونستيتۋتسيالىق رەفورما بويىنشا ۇسىنىستاردى تۇجىرىمداۋ ماقساتىندا قاۋلى ەتەمىن:
1. كونستيتۋتسيالىق رەفورما جونىندەگى كوميسسيا (كونستيتۋتسيالىق كوميسسيا) (بۇدان ءارى – كوميسسيا) قۇرىلسىن.
2. قوسا بەرىلىپ وتىرعان:
1) كوميسسيا تۋرالى ەرەجە;
2) كوميسسيانىڭ قۇرامى بەكىتىلسىن.
3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى»،-دەلىنگەن حابارلامادا.
پرەزيدەنت ۇلتتىق قۇرىلتايدىڭ V وتىرىسىندا كوميسسياعا كونستيتۋتسيالىق سوتتىڭ توراعاسى جەتەكشىلىك ەتەتىنىن مالىمدەگەن ەدى.
