مەملەكەت باسشىسى قاسىم-جومارت توقاەۆتىڭ جارلىعىمەن قازاقستان حالقى اسسامبلەياسىن دامىتۋدىڭ 2030 جىلعا دەيىنگى «بىرلىگىمىز – ارالۋاندىقتا» تۇجىرىمداماسى بەكىتىلدى. بۇل تۋرالى بۇگىن، 29 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
تۇجىرىمداما قازاقستان حالقى اسسامبلەياسىن ودان ءارى دامىتۋدى كوزدەيدى. قۇجاتتا قوعامدىق كەلىسىم مەن جالپىۇلتتىق بىرلىكتى قامتاماسىز ەتۋ ماقساتىندا ەلدى ۇيىستىرۋعا باعىتتالعان جاڭا قاعيداتتار مەن تاسىلدەر قاراستىرىلعان.
ايتا كەتەيىك، قازاقستان حالقى اسسامبلەياسى 1995 جىلعى 1 ناۋرىزدا قۇرىلعان. ول بارلىق ەتنوستىڭ مۇددەلەرىن توپتاستىرىپ، ازاماتتاردى ۇلتىنا بولمەي، قۇقىقتارى مەن بوستاندىقتارىنىڭ ءمىنسىز ساقتالۋىن قامتاماسىز ەتەدى.
ۇقساس جاڭالىقتار
