ۋكراينادا بۇرىنعى پرەمەر-مينيستر نيكولاي ازاروۆ سىرتتاي 15 جىلعا سوتتالدى. بۇل تۋرالى «سۋدەبنىي رەپورتەر» باسىلىمى جازدى، دەپ حابارلايدى «ادىرنا» ءتىلشىسى.
«كيەۆتىڭ پەچەرسك اۋداندىق سوتى ەكس-پرەمەر-ءمينيستردى مەملەكەتتىك وپاسىزدىق جانە كونستيتۋتسيالىق قۇرىلىستى كۇشپەن وزگەرتۋگە باعىتتالعان ارەكەتتەر بويىنشا كىنالى دەپ تانىدى»، — دەلىنگەن حابارلامادا.
سوت ونىڭ مۇلكىن تاركىلەۋگە ۇكىم شىعاردى.
تەرگەۋ نۇسقاسى بويىنشا، ازاروۆ ءوزىنىڭ Telegram-ارناسىن «رەسەيلىك پروپاگاندانى تاراتۋ» ءۇشىن پايدالانعان.
بۇعان دەيىن ۋكراينا ينگۋشەتيا باسشىسى ماحمۋد-الي كاليماتوۆتى دا سىرتتاي سوتتاعان ەدى. ول «ۋكراينانىڭ شەكارالارىن وزگەرتۋگە باعىتتالعان ارەكەتتەردى قارجىلاندىرۋ» بويىنشا ايىپتالىپ وتىر.
ايتا كەتەيىك، نيكولاي ازاروۆ 2010-2014 جىلدارى ۋكراينا پرەمەر-ءمينيسترى قىزمەتىن اتقارعان بولاتىن.
