قازاقستاندىق سپورتشى بەيبارىس قابىلان كەنيادا ءوتىپ جاتقان تاەكۆوندودان (WT) 21 جاسقا دەيىنگى سپورتشىلار اراسىنداعى الەم چەمپيوناتىندا توپ جاردى، دەپ حابارلايدى «ادىرنا» ءتىلشىسى.
فينالدا وتانداسىمىز وڭتۇستىك كورەيا سپورتشىسى يان ءچجۋنيوندى جەڭدى.
بۇل — بەيبارىس قابلاننىڭ سپورت مانسابىنداعى ەڭ ۇلكەن جەڭىسى جانە قازاقستان تاەكۆوندو تاريحىندا 21 جاسقا دەيىنگى سپورتشىلار اراسىنداعى العاشقى التىن.
«بەيبارىس قابىلان 87 كەلىدەن جوعارى سالماق دارەجەسىندە قارسىلاس شاق كەلتىرگەن جوق. الەم چەمپيوناتى اياسىندا بەيبارىس فينالعا دەيىن ءتورت كەزدەسۋ وتكىزدى. ىرىكتەۋ كەزەڭدەرىندە ءۇندىستان، تۇركيا ەلىنىڭ سپورتشىلارىن، جارتىاي فينالدا يران وكىلى اشرافي اميرموحاممادتان 2:1 ەسەبىمەن باسىپ ءتۇستى»،-دەپ جازدى قازاقستاندىق تاەكۆوندو فەدەراتسياسىنىڭ ءباسپاسوز قىزمەتى.
ايتا كەتەرلىگى، تاەكۆوندودان 21 جاسقا دەيىنگى جاستار اراسىنداعى الەم چەمپيوناتى 6 جەلتوقسانعا دەيىن جالعاسادى. الەم بىرىنشىلىگىنە بارلىعى 75 ەلدەن 500-گە جۋىق دايانگ شەبەرى قاتىسۋدا.
