قىزىلوردا قالاسىندا «جاستاردى الەۋمەتتەندىرۋ جانە وڭالتۋ جوباسىنىڭ اياسىندا كەزدەسۋ ءوتتى.
ءىس-شارا قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى بويىنشا 2022 جىلدىڭ 9 ماۋسىم كۇنى «دوستىق ءۇيى – قوعامدىق كەلىسىم ورتالىعىندا» بولدى.
كەزدەسۋ جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرى، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرى، NEET جاستارىنىڭ قوردالانعان ماسەلەلەرىنىڭ شەشۋ جولدارىنا قاتىستى ءوتتى.
ءىس-شارا جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ باعىتىندا ىسكە اسىرىلدى.
كەزدەسۋ قوناعى كاسىپكەر اسحات قاسىمۇلى مەن جاسۇلان البادەرگەنوۆ مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن ءبولىسىپ، شارا بارىسىندا جاستاردىڭ كاسىپ اشۋ، الەۋمەتتىك ماسەلەلەرگە قاتىستى سۇراقتارىنا جاۋاپ بەردى.
«كاسىپ باستاۋ بىرىنە وڭاي، بىرىنە جەڭىل بولىپ كورىنۋ مۇمكىن. دەي تۇرعانمەن كاسىپكەر بولسام ءبىتتى بايىپ كەتەمىن دەگەن جاڭساق وي – مۇلدەم قاتە. بايلىق بۇل ومىردەگى ەڭ ماڭىزدى دۇنيە ەمەس. نە دەسەك تە ومىرلىك قاجەتتىلىكتەردى وتەۋ ءۇشىن قاراجات كەرەك ەكەندىگى راس. ال ول ءۇشىن قول قۋسىرىپ، بىرەۋدىڭ ءومىرىن اڭدىپ وتىرۋدى تاستاۋىمىز كەرەك. ءوزىمىز ءۇشىن، ءوز ءومىرىمىز ءۇشىن، كەلەشەگىمىز ءۇشىن كەلەلى ىسكە اينالاتىن دۇنيەمەن اينالىسۋ كەرەك. كاسىپ – سونىسىمەن ەرەكشە. ونىڭ بولاشاعى بولۋى دا، بولماۋى دا مۇمكىن. ءجىتى باقىلاۋدى قاجەت ەتەتىن تىرلىك» دەدى اسحات قاسىمۇلى ءوز بايانداماسىندا.
جاسۇلان مىرزا ءوزىنىڭ قىزىعۋشىلىعىن قالاي كاسىپ ەتكەنى جايلى ءسوز قوزعادى:
«مەنىڭشە بولاشاعى بار دۇنيەنىڭ نە ەكەنىن ۇعۋ ءۇشىن، اۋەلى ونىڭ وزەكتىلىگىن انىقتاۋ كەرەك. ول دۇنيەنىڭ بۇگىنگى تاڭداعى قاجەتتىلىگى جايلى، قوعامعا كەرەكتىگى جايلى ويلانۋ كەرەك. دەسە دە بۇگىن ترەندتە بولعان دۇنيە ەرتەڭ قزەكتىلىگىن توقتاتۋى مۇمكىن. الايدا ارنايى پەريود ىشىندە ول ءوزىنىڭ ءتيىستى سۋمماسىن اقتاۋى مۇمكىن. كاسىپ جولى توسىن سىيلارعا تولى ەكەندىگى وسىدان» دەدى ول.
سونىمەن قاتار جاستاردى جىگەرلەندىرۋگە تۋا بىتە ەرەكشە جان قۋانىش نۇرجىگىتوۆ دە شاراعا بەلسەنە قاتىسىپ، ومىرلىك قيىندىقتارعا مويىماي جەتىستىكككە شىنايى جەتەم دەگەن جاننىڭ جەتەتىنىن ايتتى.
«ادام ءوز ءومىرىنىڭ جاساۋشىسى دەپ ايتىلادى حالىقتا. الايدا تاعدىردىڭ بەرەتىن توسىن دۇنيەلەرى بار ەكەندىگىن ۇمىتپاۋىمىز كەرەك. دەي تۇرعانمەن، ادام بولعاننان كەيىن ەرتەڭىڭە، كەلەشەگىڭە كەرەك دۇنيەنى ويلايسىڭ سول ءۇشىن عانا قاناتتانىپ، سول ءۇشىن عانا جانىڭدى بەرىپ، بارىڭدى سالاسىڭ. ەڭ باستىسى ءوزىڭ دەگەن سەنىمدىلىكتى، بويداعى ەرىك-جىگەردى جوعالتىپ المۋىمىز قاجەت. جاستارعا دا ايتارىم – ەش مويىماۋ. تاعدىردىڭ جازۋى اياقتان شالسا دا، ءوزىڭىز ويلاماعان دۇنيە ورىن السا دا كوندىگۋ جانە قۇر وتىرماۋ. ءوز ءومىرىڭدى ءوزىڭ ارى قاراي جاسايتىن بولاسىڭ» دەدى قۋانىش مىرزا.
سونداي-اق، شارا سوڭىندا جينالعان جاستار كەلگەن قوناقتارعا ءوز باستامالارى جايلى سۇراقتار قويىپ، پىكىر الىپ، كوكەيلەرىندەگى ساۋالدارمەن ءبولىستى.
