Qyzylorda qalasynda «Jastardy áleýmettendirý jáne ońaltý jobasynyń aıasynda kezdesý ótti.
Is-shara QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda NEET sanatyndaǵy jastardy elimizdiń áleýmettik-ekonomıkalyq ómirine tartý máseleleri boıynsha 2022 jyldyń 9 maýsym kúni «Dostyq úıi – Qoǵamdyq kelisim ortalyǵynda» boldy.
Kezdesý jastardyń jumys jáne oqýǵa kelgende belsendilik tanytpaý sebepteri, jobalyq keńse tarapynan jastarǵa kómek berý jáne kásibı baǵdarlaý túrleri, NEET jastarynyń qordalanǵan máseleleriniń sheshý joldaryna qatysty ótti.
Is-shara jastardy bolashaq ómirlik josparlaryna yntalandyrý jáne shyǵarmashylyq áleýetti damytý baǵytynda iske asyryldy.
Kezdesý qonaǵy kásipker Ashat Qasymuly men Jasulan Albadergenov mansap jáne jeke ósý úshin ómirlik daǵdylardy damytýdaǵy tájirıbelerimen bólisip, shara barysynda jastardyń kásip ashý, áleýmettik máselelerge qatysty suraqtaryna jaýap berdi.
«Kásip bastaý birine ońaı, birine jeńil bolyp kóriný múmkin. Deı turǵanmen kásipker bolsam bitti baıyp ketemin degen jańsaq oı – múldem qate. Baılyq bul ómirdegi eń mańyzdy dúnıe emes. Ne desek te ómirlik qajettilikterdi óteý úshin qarajat kerek ekendigi ras. Al ol úshin qol qýsyryp, bireýdiń ómirin ańdyp otyrýdy tastaýymyz kerek. Ózimiz úshin, óz ómirimiz úshin, keleshegimiz úshin keleli iske aınalatyn dúnıemen aınalysý kerek. Kásip – sonysymen erekshe. Onyń bolashaǵy bolýy da, bolmaýy da múmkin. Jiti baqylaýdy qajet etetin tirlik» dedi Ashat Qasymuly óz baıandamasynda.
Jasulan myrza óziniń qyzyǵýshylyǵyn qalaı kásip etkeni jaıly sóz qozǵady:
«Menińshe bolashaǵy bar dúnıeniń ne ekenin uǵý úshin, áýeli onyń ózektiligin anyqtaý kerek. Ol dúnıeniń búgingi tańdaǵy qajettiligi jaıly, qoǵamǵa kerektigi jaıly oılaný kerek. Dese de búgin trendte bolǵan dúnıe erteń qzektiligin toqtatýy múmkin. Alaıda arnaıy perıod ishinde ol óziniń tıisti sýmmasyn aqtaýy múmkin. Kásip joly tosyn syılarǵa toly ekendigi osydan» dedi ol.
Sonymen qatar jastardy jigerlendirýge týa bite erekshe jan Qýanysh Nurjigitov de sharaǵa belsene qatysyp, ómirlik qıyndyqtarǵa moıymaı jetistikkke shynaıy jetem degen jannyń jetetinin aıtty.
«Adam óz ómiriniń jasaýshysy dep aıtylady halyqta. Alaıda taǵdyrdyń beretin tosyn dúnıeleri bar ekendigin umytpaýymyz kerek. Deı turǵanmen, adam bolǵannan keıin erteńińe, keleshegińe kerek dúnıeni oılaısyń Sol úshin ǵana qanattanyp, sol úshin ǵana janyńdy berip, baryńdy salasyń. Eń bastysy óziń degen senimdilikti, boıdaǵy erik-jigerdi joǵaltyp almýymyz qajet. Jastarǵa da aıtarym – esh moıymaý. Taǵdyrdyń jazýy aıaqtan shalsa da, ózińiz oılamaǵan dúnıe oryn alsa da kóndigý jáne qur otyrmaý. Óz ómirińdi óziń ary qaraı jasaıtyn bolasyń» dedi Qýanysh myrza.
Sondaı-aq, shara sońynda jınalǵan jastar kelgen qonaqtarǵa óz bastamalary jaıly suraqtar qoıyp, pikir alyp, kókeılerindegi saýaldarmen bólisti.
