اتىراۋداعى 23 جاستاعى يانا لەگكوديموۆانىڭ ءولىمىنىڭ "جوسپارلانۋى" الەۋمەتتىك جەلىلەردە كەڭىنەن تالقىلانۋدا، دەپ حابارلايدى "ادىرنا" ۇلتتىق پورتالى.
ءىس بويىنشا باستى ايىپتالۋشىلاردىڭ جاڭا حات الماسۋ ۇزىندىلەرى پايدا بولدى.
«نەمولچي.kz» قوعامدىق قورى سوتتالۋشىلار اراسىنداعى جاڭا جازبالاردى جاريالادى. وندا ەكى ەر ادامنىڭ قىزدى قالاي ءولتىرۋدى جوسپارلاپ، ونىڭ «باعاسى» تۋرالى سويلەسكەنى كورىنىس تاپقان. فوتودا:
"ر.: «ادام ءولتىرۋ ءۇشىن ساعان قانشا اقشا كەرەك؟»
ا.: «كوپ، ب...».
ر.: «باعاسىن ايتشى».
ا.: «بۇل — گاراجدى جابدىقتاۋ سوماسى"
كەيىن اڭگىمە 500 مىڭ تەڭگە تۋرالى جالعاسىن تاپقان. ءازىل تۇرىندە Audi 80 كولىگىن ساتىپ الۋ جايلى ءسوز بولعان.
«نەمەسە جاي عانا ماعان سىرا ساتىپ اپەر...» — دەپ جازعان ا.
قور وقيعانىڭ تولىق ۋاقىت كەستەسىن دە جاريالادى. تەرگەۋ دەرەكتەرىنە سۇيەنسەك، يانا 2024 جىلدىڭ 18 قازانىندا تانىسىنىڭ قوڭىراۋىنان كەيىن ۇيىنەن شىققان. كۋرتكاسىن الماستان كەتكەن ول ۇيىنە قايتا ورالماعان. سوڭعى رەت ونى سول تانىسىنىڭ كولىگىندە كورگەن.
سوت پروتسەسى ءالى جالعاسىپ جاتىر.
