الەۋمەتتىك جەلىلەردە الماتى وبلىسىنىڭ پوليتسيا قىزمەتكەرلەرى قارت ايەلدى پاتەرىنەن كۇشتەپ شىعارىپ جاتقان ءسات بەينەلەنگەن ۆيدەو تارادى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
بولجام بويىنشا، وقيعا ايەلدى پاتەرىنەن شىعارۋ كەزىندە بولعان. ۆيدەودا ەكى پوليتسەيدىڭ 77 جاستاعى ايەلدى دالىزگە يتەرىپ شىعارىپ جاتقانى كورىنەدى. ءبىر ساتتە ولاردىڭ ءبىرى ايەلدى قاتتى يتەرىپ جىبەرەدى، ول كەۋدەسىمەن تەمىر قورشاۋعا سوعىلادى. كادردا ايەلدىڭ اۋىرسىنعان داۋىسى انىق ەستىلەدى.
جازبا اۆتورىنىڭ ايتۋىنشا، زارداپ شەككەن ايەلگە اۋداندىق اۋرۋحانادا العاشقى كومەك كورسەتىلمەي، تەك اۋىرسىنۋدى باساتىن ۋكول سالىنعان. كەيىن تۋىستارى ونى قالاداعى اۋرۋحاناعا اپارعان، وندا دارىگەرلەر قابىرعاسىنىڭ سىنعانىن انىقتاعان. بۇل دەرەك بەينەجازبا استىنا قوسا جاريالانعان مەديتسينالىق انىقتامامەن راستالعان.
