مەملەكەت باسشىسى قاسىم-جومارت توقاەۆ Cameco كورپوراتسياسىنىڭ پرەزيدەنتى تيم گيتتسەلدى قابىلدادى، دەپ حابارلايدى “ادىرنا”.
پرەزيدەنتتىڭ نيۋ-يورك قالاسىنداعى جۇمىس ساپارى كانادالىق ترانسۇلتتىق كومپانيانىڭ باسشىسىمەن كەزدەسۋدەن باستالدى. جۇزدەسۋدە ۋران ءوندىرۋ سالاسىنداعى ىنتىماقتاستىق پەرسپەكتيۆاسى تالقىلاندى.
"قاسىم-جومارت توقاەۆ Cameco "قازاتومونەركاسىپ" ۇلتتىق كومپانياسىنىڭ بۇرىننان كەلە جاتقان سەنىمدى سەرىكتەسى ەكەنىن اتاپ ءوتتى. ەلىمىزدە قىزمەت ەتە باستاعاننان بەرى اتالعان كومپانيا 500 ميلليون دوللاردان استام ينۆەستيتسيا قۇيعان ءارى تەحنولوگيالار ترانسفەرتىنە ىقپال ەتكەن. مەملەكەت باسشىسىنىڭ ايتۋىنشا، قازاقستان ەنەرگەتيكانى دامىتۋدىڭ جاڭا كەزەڭىنە ءوتىپ، الداعى ۋاقىتتا ءۇش اتوم ەلەكتر ستانساسىن سالۋدى كوزدەپ وتىر. ەلىمىز اتوم سالاسىندا قولدانىلاتىن يننوۆاتسيالىق تاسىلدەرگە قىزىعۋشىلىق تانىتادى", دەلىنگەن 2025 جىلعى 21 قىركۇيەكتەگى اقوردا حابارلاماسىندا.
تيم گيتتسەل پرەزيدەنتكە "ينكاي" بىرلەسكەن كاسىپورنىنىڭ قازىرگى قىزمەتى مەن جوسپارلارى جونىندە اقپارات بەرگەنى دە ناقتىلانادى. بۇل كومپانيا تۇركىستان وبلىسىندا ورنالاسقان كەن ورنىن شيرەك عاسىردان بەرى يگەرىپ كەلەدى.
بۇعان دەيىن مەملەكەت باسشىسى قاسىم-جومارت توقاەۆتىڭ نيۋ-يوركتەگى جۇمىس ساپارى باستالعانى حابارلاندىق.
