پرەزيدەنت قاسىم-جومارت توقاەۆ مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى جارلىققا قول قويدى، دەپ حابارلايدى “ادىرنا” ۇلتتىق پورتالى.
بۇل تۋرالى اقوردا حابارلادى.
قۇجاتقا سايكەس، قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى قايتا ۇيىمداستىرىلىپ، ونىڭ ورنىنا قازاقستان رەسپۋبليكاسىنىڭ جاساندى ينتەللەكت جانە تسيفرلىق دامۋ مينيسترلىگى قۇرىلدى.
سونىمەن قاتار، يننوۆاتسيالىق قىزمەتكە قاتىستى بىرقاتار فۋنكتسيالار مەن وكىلەتتىكتەر عىلىم جانە جوعارى ءبىلىم مينيسترلىگىنە بەرىلەدى. ۇكىمەتكە مەملەكەتتىك ورگاندار مەن ولاردىڭ ۆەدومستۆولىق ۇيىمدارىنىڭ شتاتتىق سانىن قايتا ءبولۋ تاپسىرىلدى. جارلىقتىڭ ورىندالۋىن پرەزيدەنت اكىمشىلىگى باقىلايدى.
ايتا كەتەيىك، قاسىم-جومارت توقاەۆ قىركۇيەك ايىنداعى حالىققا جولداۋىندا جاساندى ينتەللەكتتى كەڭىنەن ەنگىزۋ قاجەتتىگىن ايتىپ، ارنايى مينيسترلىك پەن «تسيفرلىق كودەكستى» قۇرۋدى ۇسىنعان بولاتىن.
