قازاقستاننىڭ حالىق ءارتىسى ساپار وتەمىسۇلى دۇنيەدەن ءوتتى. قارالى حاباردى مادەنيەت جانە اقپارات مينيسترلىگىنىڭ ءباسپاسوز قىزمەتى جەتكىزدى، دەپ حابارلايدى "ادىرنا".
«قازاقستاننىڭ حالىق ءارتىسى، «پاراسات» وردەنىنىڭ يەگەرى ساپار وتەمىسۇلىنىڭ ومىردەن وتۋىنە بايلانىستى تۋعان-تۋىستارى مەن جاقىندارىنا، تۋعان حالقىنا قايعىرا كوڭىل ايتامىز»، – دەلىنگەن اقپاراتتا.
ساپار وتەمىسۇلى – 60 جىلدان استام ۋاقىت بويى ونەردە جۇرگەن ءارتىس.
«وتەمىسۇلى جۇمات شانين اتىنداعى اكادەميالىق قازاق دراما تەاترىنىڭ ءوسىپ-ىلگەرىلەۋى جولىندا تىنباي تەر توككەن ۇلتتىق تەاتر ونەرىنىڭ شوقتىعى بيىك تۇلعالاردىڭ ءبىرى. ول جۇزدەگەن ءرولى ارقىلى قازاق ساحناسىنىڭ ءورىسىن كەڭەيتىپ، كورەرمەننىڭ جۇرەگىنە جول تاپقان شىنايى ونەر يەسى ەدى»، – دەلىنگەن اقپاراتتا.
ۇقساس جاڭالىقتار
