مەملەكەت باسشىسى قاسىم-جومارت توقاەۆ 8 قىركۇيەكتە پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالايدى. بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي جاريالادى، دەپ حابارلايدى "ادىرنا".
ايتا كەتەيىك، پرەزيدەنت بۇعان دەيىنگى جولداۋىن «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» دەگەن تاقىرىپ اياسىندا جاريالادى.
جولداۋدا ەڭ الدىمەن سۋ، ەنەرگەتيكا، قۇرىلىس جانە باسقا دا سالالاردا قاتتى بايقالىپ وتىرعان كادر تاپشىلىعىن جويۋ قاجەت ەكەنىن ايتتى. سونداي-اق بولاشاقتا سۇرانىسقا يە بولاتىن كاسىپتەر ءۇشىن بىلىكتى ماماندار دايارلاۋ كەرەك ەكەنىن ەسكە سالدى.
پرەزيدەنت 2025 جىلدى جۇمىسشى ماماندىقتارى جىلى دەپ جاريالادى. وسى ۋاقىت ىشىندە تەحنيكالىق جانە كاسىبي ءبىلىم بەرۋ جۇيەسىن رەفورمالاۋ تاپسىرماسى بەرىلدى.
