استانادا Mercedes ماركالى قىزمەتتىك اۆتوبۋس جولدان شىعىپ كەتىپ، اپاتقا ۇشىرادى. وقىس وقيعا بۇگىن، 25 تامىزدا قابانباي باتىر داڭعىلىندا بولعان، دەپ حابارلايدى «ادىرنا» ءتىلشىسى.
قالالىق دەنساۋلىق ساقتاۋ باسقارماسىنىڭ مالىمەتىنشە، وقيعا سالدارىنان 14 ادام زارداپ شەككەن.
«ولار قالالىق كوپسالالى ستاتسيونارلارعا، سونداي-اق ۇلتتىق شۇعىل مەديتسينا ۇيلەستىرۋ ورتالىعىنا جەتكىزىلدى. قابىلداۋ بولىمىندە بارلىعى سالالىق مامانداردىڭ تەكسەرۋىنەن ءوتتى. ناتيجەسىندە بىرقاتار زارداپ شەگۋشى امبۋلاتورلىق ەمدەۋگە جىبەرىلدى، ال قالعاندارى قوسىمشا تەكسەرۋدەن ءوتىپ جاتىر»،—دەپ ءتۇسىندىردى باسقارمانىڭ ءباسپاسوز قىزمەتى.
ماماندار زارداپ شەككەندەردىڭ باسىم بولىگى جەڭىل جاراقات العانىن اتاپ ءوتتى.
ۇقساس جاڭالىقتار
