ۇلىتاۋ وبلىسىندا جولاۋشىلار پويىزى جۇك ۆاگونىمەن سوقتىعىسا جازدادى. بۇل تۋرالى قتج ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
وقىس وقيعا 24 تامىز كۇنى بولعان. رەسمي دەرەكتەرگە سۇيەنسەك، «جەزقازعان-استانا» باعىتىنداعى جولاۋشىلار پويىزىنىڭ ءماشينيسى جولداعى جۇك ۆاگونىن كورىپ، وعان 300 مەتر قالعاندا شۇعىل تەجەۋ قولدانعان. پويىز 12 كم/ساع جىلدامدىقپەن كەلە جاتقان.
«لوكوموتيۆ بريگاداسىنىڭ جەدەل جانە كاسىبي ارەكەتى ارقاسىندا ەلەۋلى زارداپتاردى بولدىرماۋعا مۇمكىندىك تۋدى. زارداپ شەككەندەر جوق، كەيبىر جولاۋشىلار قاتتى تەجەۋ ناتيجەسىندە جەڭىل جاراقات الدى. پويىز 23:14-تە ءجۇرىسىن جالعاستىردى. تەمىرجول ينفراقۇرىلىمى مەن لوكوموتيۆتىڭ زاقىمدانۋى تىركەلگەن جوق»،—دەلىنگەن حابارلامادا.
ايتا كەتەيىك، قازىرگى تاڭدا وقيعا سەبەپتەرى انىقتالىپ جاتىر. ءمان-جايلاردى انىقتاۋ ءۇشىن باسقارما توراعاسىنىڭ ورىنباسارى باستاعان كوميسسيا وقيعا ورنىنا اتتانىپ كەتتى.
