پرەزيدەنت قاسىم-جومارت توقاەۆتىڭ ءباسپاسوز حاتشىسى رۋسلان جەلدىباي حالىقارالىق دزيۋدو فەدەراتسياسىنىڭ (IJF) جاڭا تەحنولوگيالار جانە تيىمدىلىكتى ارتتىرۋ بويىنشا كوميسسياسىنىڭ ديرەكتورى قىزمەتىن قوسا اتقاراتىن بولدى. بۇل تۋرالى ول الەۋمەتتىك جەلىدەگى پاراقشاسىندا ايتتى، دەپ حابارلايدى «ادىرنا» ءتىلشىسى.
«دزيۋدونى ەلىمىزدە دامىتۋ باعىتىندا ءبىراز جۇمىس اتقارىلىپ جاتىر. ءالى دە ماسەلە جەتەرلىك. دزيۋدونى كەڭىنەن دامىتۋ ءۇشىن ارنايى اكادەميا، ال ايماقتاردا ورتالىقتار قاجەت بولىپ تۇر. حالىقارالىق ىنتىماقتاستىقتى دا ارتتىرامىز. وسى ىسكە بارىنشا ءوز ۇلەسىمدى قوسامىن»،—دەدى ول.
ايتا كەتەيىك، قازاقستانداعى دزيۋدو فەدەراتسياسىن پرەزيدەنت كەڭەسشىسى — قۋانىشبەك ەسەكەەۆ باسقارادى.
ۇقساس جاڭالىقتار
