قازاقستاندىق رەجيسسەر اسحات كۋچينچەرەكوۆتىڭ «باۋىرىنا سالۋ» كوركەم ءفيلمى يتاليادا وتكەن حالىقارالىق كينوفەستيۆالدە توپ جاردى، دەپ حابارلايدى "ادىرنا" ۇلتتىق پورتالى.
تۋىندى 23-ءشى Ischia Film Festival اياسىندا «ۇزدىك تولىقمەتراجدى فيلم» نوميناتسياسى بويىنشا باس جۇلدەنى يەلەندى.
فيلم قر مادەنيەت جانە اقپارات مينيسترلىگىنىڭ جانە ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلگەن.
«باۋىرىنا سالۋ» بۇعان دەيىن دە بىرنەشە حالىقارالىق ماراپاتتارعا يە بولعان.
– Asia Pacific Screen Awards-تا ەڭ ۇزدىك جاستار ءفيلمى،
– Baku International Film Festival-دا باس جۇلدە،
– Cinema Heritage Festival (فرانتسيا) بايقاۋىندا ارنايى ماراپات يەلەنگەن.
سونىمەن قاتار، وپەراتور جاناربەك ەلەۋبەك Asia World Film Festival-دە «ۇزدىك وپەراتور» اتانعان.
ايتا كەتەيىك، اتالعان تۋىندى قازاقستان تاراپىنان «وسكار-2025» سىيلىعىنا «شەت تىلىندەگى ۇزدىك فيلم» نوميناتسياسى بويىنشا رەسمي تۇردە ۇسىنىلدى.
فيلم سيۋجەتى بويىنشا، باستى كەيىپكەر — قازاقتىڭ كونە داستۇرىمەن اجەسىنىڭ باۋىرىنا سالىنعان بالا. اجەسى قايتىس بولعاننان كەيىن، ول ءوز اتا-اناسىنا ورالىپ، جاڭا ورتاعا بەيىمدەلۋ بارىسىندا ءتۇرلى قيىندىقتارعا تاپ بولادى.
2003 جىلدان بەرى ۇيىمداستىرىلىپ كەلە جاتقان Ischia Film Festival — ەۋروپاداعى ەڭ ەرەكشە مادەني شارالاردىڭ ءبىرى. ول يتاليانىڭ يسكيا ارالىنداعى ورتاعاسىرلىق اراگون سارايىندا وتەدى. فەستيۆالدىڭ باستى ەرەكشەلىگى — فيلمدەردىڭ كوركەمدىك كەڭىستىك پەن ءتۇسىرىلىم ورىندارىنىڭ ءرولىن اشىپ كورسەتۋگە ەرەكشە ءمان بەرىلۋى
