شەشەنستان باسشىسى رامزان قادىروۆتىڭ ۇلكەن قىزى ايشات قادىروۆا 17 جاستاعى ءىنىسى ادام قادىروۆتىڭ ۇيلەنەتىنىن جازدى، دەپ حابارلايدى "ادىرنا" ۇلتتىق پورتالى.
ايشات بۇل قۋانىشتى جاڭالىقتى Instagram پاراقشاسىندا جازىپ، وقىرمان سۇراعىنا جاۋاپ بەرگەن.
«مەنىڭ ءىنىم ادام ۇيلەنەدى»، – دەپ جازدى قادىروۆا الەۋمەتتىك جەلىدە.
كەيىن ول بۇل ءىنىسىنىڭ العاشقى نەكەسى ەكەنىن ناقتىلاپ ءوتتى.
«قالىڭدىقتىڭ ەسىمى – مەدني. ول ءبىزدىڭ اۋىلدان. وكىنىشكە قاراي، ۇيلەنۋ تويىنىڭ ۆيدەوسىن ەش جەردەن كورۋ مۇمكىن ەمەس. ءبىز ۇيلەنۋ تويىنىڭ بەينەجازبالارىن جاريالامايمىز. بۇل – اتا-انامىزدىڭ قالاۋى. توي تۋعان اۋىلداعى اتا-انامىزدىڭ ۇيىندە وتەدى»، – دەپ جازدى ايشات قادىروۆا.
ۇقساس جاڭالىقتار
