اقش-تا ءوتىپ جاتقان الەم چەمپيوناتىندا قازاقستاندىق سپورتشى نورا دجەرۋتو كەدەرگىلەر ارقىلى 3000 مەترگە جۇگىرۋدەن رەكورد كورسەتىپ، جەڭىسكە جەتتى، - دەپ حابارلايدى "ادىرنا" پورتالى Vesti.kz سايتىنا سىلتەمە جاساپ.
دجەرۋتو 8:53.02-دە مارەگە جەتتى. چەمپيون فەدەراتسيانىڭ ءباسپاسوز قىزمەتىنە الداعى جوسپارلارى تۋرالى ايتىپ بەردى.
"الەم چەمپيوناتىندا جەڭىسكە جەتكەنىمە وتە قۋانىشتىمىن جانە ريزامىن! جاڭا وتانىمنىڭ تۋى استىندا ونەر كورسەتۋ مۇمكىندىگىن كۇتتىم. بۇگىن مەن الەم چەمپيوناتىندا قازاقستانعا ەرەكشە سىيلىق جاساپ، ءوزىمدى كورسەتكىم كەلدى. مەن تابىسقا جەتتىم دەپ ۇمىتتەنەمىن »، - دەپ ءتۇسىندىردى دجەرۋتو.
قازاقستاندىق بۇل سالا بويىنشا تاريحتاعى ءۇشىنشى ناتيجە كورسەتىپ، الەم چەمپيوناتىنىڭ رەكوردىن ورناتتى. نورانىڭ ايتۋىنشا، مۇنداي ناتيجەگە كوپ ەڭبەك پەن ۇزاق دايىندىقتىڭ ارقاسىندا جەتكەن.
"بۇل مەنىڭ ومىرىمدەگى ەڭ ماڭىزدى كۇندەردىڭ ءبىرى بولدى. مەن بۇكىل ۇجىمنىڭ سەنىمى مەن ءۇمىتىن اقتادىم. بىرىنشىدەن، وتباسىما جانە قازاقستانعا سەنىم بىلدىرگەنى ءۇشىن ەرەكشە العىسىمدى بىلدىرگىم كەلەدى. قازاقستان تاراپى ايتارلىقتاي قولداۋ كورسەتتى. سوڭعى بەس جىلدا كەدەرگىلەردەن جۇگىرۋ تەحنيكاسىن ۇيرەتتى. بۇل وسى سالا بويىنشا وقىتۋدىڭ ەڭ ماڭىزدى كەزەڭدەرىنىڭ ءبىرى. بۇگىنگى ناتيجە – مەنىڭ عانا ەمەس، بۇكىل قازاقستاننىڭ جەڭىسى. مەن ءبارىن قولدانۋعا دايىنمىن. ءوز ءبىلىمىمدى، تاجىريبەمدى جانە قازاقستاندا جەڭىل اتلەتيكانى ودان ءارى دامىتۋ ءۇشىن بار كۇش-جىگەرىمدى سالامىن»، - دەپ ءبولىستى ول.
"ادىرنا" ۇلتتىق پورتالى
