Jeńil atletshi Nora Djerýto óziniń rekordy týraly: «Bul Qazaqstannyń jeńisi!»

2031
Adyrna.kz Telegram

AQSh-ta ótip jatqan álem chempıonatynda qazaqstandyq sportshy Nora Djerýto kedergiler arqyly 3000 metrge júgirýden rekord kórsetip, jeńiske jetti, - dep habarlaıdy "Adyrna" portaly Vesti.kz saıtyna silteme jasap.

Djerýto 8:53.02-de márege jetti. Chempıon federaııanyń baspasóz qyzmetine aldaǵy josparlary týraly aıtyp berdi.

"Álem chempıonatynda jeńiske jetkenime óte qýanyshtymyn jáne rızamyn! Jańa otanymnyń týy astynda óner kórsetý múmkindigin kúttim. Búgin men álem chempıonatynda Qazaqstanǵa erekshe syılyq jasap, ózimdi kórsetkim keldi. Men tabysqa jettim dep úmittenemin », - dep túsindirdi Djerýto.

Qazaqstandyq bul sala boıynsha tarıhtaǵy úshinshi nátıje kórsetip, álem chempıonatynyń rekordyn ornatty. Noranyń aıtýynsha, mundaı nátıjege kóp eńbek pen uzaq daıyndyqtyń arqasynda jetken.

"Bul meniń ómirimdegi eń mańyzdy kúnderdiń biri boldy. Men búkil ujymnyń senimi men úmitin aqtadym. Birinshiden, otbasyma jáne Qazaqstanǵa senim bildirgeni úshin erekshe alǵysymdy bildirgim keledi. Qazaqstan tarapy aıtarlyqtaı qoldaý kórsetti. Sońǵy bes jylda kedergilerden júgirý tehnıkasyn úıretti. Bul osy sala boıynsha oqytýdyń eń mańyzdy kezeńderiniń biri. Búgingi nátıje – meniń ǵana emes, búkil Qazaqstannyń jeńisi. Men bárin qoldanýǵa daıynmyn. Óz bilimimdi, tájirıbemdi jáne Qazaqstanda jeńil atletıkany odan ári damytý úshin bar kúsh-jigerimdi salamyn», - dep bólisti ol.

"Adyrna" ulttyq portaly

Pikirler