ابايدى مويىندامايتىن كاسىپكەر ءوز سوزىنەن اينىدى

3463
Adyrna.kz Telegram

Sn.kz قىزىق حابار جاريالادى: كاسىپكەر وسى ۆيدەوسى ونىڭ دارەجەسىنە كەرى اسەرىن بەرگەنىن ايتادى. ياعني، ول رەيتينگىسىن جوعالتىپ الىپتى.قازاقستاندىق كاسىپكەر نۇرلان ءبايدىلدا بۇعان دەيىن ۇلى عۇلاما اباي قۇنانبايۇلىن مويىندامايتىنىن ايتقان بولاتىن. ونىڭ: «اباي ءبىزدىڭ زامانىمىزدا ءومىر سۇرسە، ءارى كەتسە بلوگەر بولار ەدى» دەگەن ءسوزى ەل تۇرعىندارىنىڭ اشۋىن تۋعىزدى.

ەندى كاسىپكەر اقتالىپ، ءوز سوزىنەن اينىپ شىعا كەلدى. ايتۋىنشا، بۇل ءسوزدى شىنايى ەمەس، تەك قازاققا ابايدان باسقا ۇلى تۇلعالار بارىن كورسەتكىسى كەلگەن ەكەن.

«قازىر حالىققا ءسوزدىڭ ەمەس، ءىس-ارەكەتتىڭ ادامدارى ۇلگى بولعانىن قالايمىن. ويتكەنى قازاق اباي سياقتى بولىپ كەتكەن، جۋاس. بۇل ۆيدەودا ابايدان باسقا دا ۇلى تۇلعالار بارىن كورسەتكىم كەلدى. كەنەسارى، جانىبەك، تاۋكە حاندى اتاپ ايتتىم. ينتەرنەت مەنىڭ ءسوزىمدى ءبولىپ، باسقاشا ماعىنادا شىعارعان. مەنىڭ ماقساتىم – حالىق ويلانسىن دەدىم. ارينە، قاتتى ايتتىم. ونى مويىندايمىن. وسىلاي قازاقتار ويلانسىن دەدىم. بىراق مەن ابايدى سىيلايمىن. كىتاپتارىن دا وقىدىم. مەن ابايدىڭ ار-نامىسىن تاپتاعان جوقپىن. اشكەرەلەگەن جوقپىن. اباي وسى زاماندا تۋسا، بلوگەر بولار ەدى دەگەن ءسوزدى تىكەلەي ماعىنادا قولدانباۋ كەرەك. ول گيپەربولا اباي قارا سوزدەرىن كۇندەلىك رەتىندە جازعان. ەگەر اباي قازىر ءومىر سۇرسە، وندا سول سوزدەرىن كىتاپقا ەمەس، الەۋمەتتىك جەلىلەردە جازاتىن ەدى»، – دەيدى نۇرلان ءبايدىلدا «ءبىرىنشى ارناعا» بەرگەن سۇحباتىندا.

 

پىكىرلەر