قازىبەك يسا: بالانى قازاق مەكتەبىنە بەرۋ كەرەك!

4555
Adyrna.kz Telegram

فەيسبۋكتا بەلگىلى جۋرناليستەر زەيىن الىپبەك، مۇحتار تۇمەنباي باۋىرلارىمىز ەلدەگى بالا تۋ، نەكە جانە اجىراسۋ ماسەلەلەرىن كوتەرىپتى. وتە دۇرىس. بۇل دەموگرافيالىق باستى فاكتور. باسىم بولىگى ورىس تىلىندە ءومىر سۇرەتىن سولتۇستىك ايماقتاردا، پاۆلودار وبلىسى(50,5%) مەن سقو-دا (50,3%) ۇيلەنگەندەردىڭ جارتىسىنان استامى اجىراسقان ەكەن!

ال قاراعاندى وبلىسى (47,6), شقو (44,9), قوستاناي (44,8), اقمولا (43,2) وبلىستارىندا جارتىسىنا جۋىعى اجىراسقان. بۇل نەنى بىلدىرەدى؟

ال قازاق ءتىلدى وڭىرلەردە اجىراسۋ ەڭ از كورسەتكىش بولىپ تۇر. تۇركىستان وبلىسىندا 17,7 پايىز، ماڭعىستاۋ وبلىسىندا 23,7 پايىز. شىمكەنت قالاسىندا 27,3 پايىز اجىراسۋ. بۇل نەنى بىلدىرەدى؟!. ارينە، قايماعى بۇزىلماعان قازاقى وڭىرلەرگە بۇل دا از ەمەس…

قازاقى تاربيە بار، قازاق ءتىلدى ايماقتاردا اجىراسۋ سولتۇستىك وڭىرمەن سالىستىرعاندا ەكى ەسەدەن دە از. بارلىعى تىلگە بايلانىستى دەپ تەككە ايتىپ جۇرگەن جوقپىز عوي. قارتتار ۇيىندەگىلەردىڭ 90 پايىزىنىڭ بالالارى ورىس مەكتەبىن بىتىرگەنىن وسىدان ون بەس جىل بۇرىن جۋرناليستەردى جىبەرىپ انىقتاپ ەدىك. بالانى قازاق مەكتەبىنە بەرۋ كەرەك!

"ادىرنا" ۇلتتىق پورتالى 

پىكىرلەر