"نازارباەۆتىڭ كلانى ۇرلاعان 200 ملرد دوللاردى قايتاراتىن بولسا، قايتقان قاراجاتتى جيناقتاپ، قور قۇرىپ، پاتەرسىز جۇرگەن ازاماتتارعا پاتەر بەرۋ كەرەك. ۇرىلاردىڭ قايتقان اقشاسىنان مەملەكەت حالىققا پاتەر تاراتاتىن بولسا، ول ءبىزدىڭ ۇلتىمىزعا ۇلكەن كومەك". بۇل پىكىردى بەلگىلى ساياساتكەر، قوعام قايراتكەرى بالتاش تۇرسىمباي Adyrna.kz ۇلتتىق پورتالىنىڭ تىلشىسىنە بەرگەن سۇحباتىندا ايتتى.
"نازارباەۆتىڭ كلانى - ۇرىلار! ۇرلاعان اقشاسىن قايتارىپ جاتىر دەگەن اقپارات بار. ءيا، ەگەر وسى 200-دەي نازارباەۆتىڭ كلانى ۇرلاعان 200 ملرد دوللاردى قايتاراتىن بولسا، ول ەلىمىز جۇمىس ىستەمەسە 3 جىلدىق بيۋدجەت. مەنىڭ ەل پرەزيدەنتى قاسىم-جومارت توقاەۆقا ۇسىنىسىم بار. ءسىز وسى قايتىپ كەلىپ جاتقان ۇرىلاردىڭ اقشاسىنا قور قۇرىپ، قاڭتاردا زارداپ شەككەن، وققا ۇشقان ازاماتتاردىڭ وتباسىنا پاتەر بەرۋ كەرەك! ولاردىڭ بالالارى بار! ولاردىڭ كەلەشەگى بار! سول كەلەشەكتە ەرتەڭ ءوزىمىزدىڭ ەلىمىزدىڭ دۇرىس ازاماتتارى بولۋى ءۇشىن زارداپ شەككەن وتباسىلارعا پاتەر بەرۋ كەرەك! ولاردا قازىر پاتەر جوق، ءار ءتۇرلى جاعدايمەنەن ءار بوساعادا پاتەر جالداپ، كۇن كورىپ جاتىر...ەكىنشى توپ - ول مىناۋ كوپبالالى وتباسى. ەگەر كوپبالالى وتباسىلارعا بۇگىن سول ۇرىلاردىڭ قايتقان اقشاسىنان مەملەكەت پاتەر بەرەتىن بولسا، ول ەرتەڭ 10-15 جىلدان كەيىن مەملەكەتىمىزگە پالەڭ ملرد بولىپ قايتارىلار ەدى", - دەيدى قوعام قايراتكەرى.
ساياساتكەردىڭ ايتۋىنشا، ەلدىڭ قازىناسىنا قايتقان قاراجاتتى جيناقتاپ، قور قۇرىپ، پاتەرسىز جۇرگەن ازاماتتارعا پاتەر بەرۋ كەرەك.
"بۇگىنگى كۇنى الىپ قارايتىن بولساق، تاعى دا مىنا بانكتىڭ ماڭايىندا جۇرگەن ۇرى-قارىلار انا جەردەن كرەديت الىپ، پاتەر سالىپ ءجۇر. كوپەتاجدى پاتەرلەردى سالادى، سودان كەيىن ونى قىمبات باعامەنەن ساتادى. تۇسكەن اقشاسىن بانكتەرمەن ءبولىسىپ جاتىر. ءبىزدىڭ حالىق ەشقاشان ۇمىتقان جوق. ۇمىتپايدى دا... نازارباەۆتىڭ كلانى ۇلتتىق قوردان 14-15 ملرد دوللار قارجىنى الىپ، وزدەرىنىڭ بانكتەرىنە قۇيعان. ول مىناۋ حالىق بانك بار، وتەمۇراتوۆتىڭ بانكتەرى بار، جاقسىبەكوۆتىڭ بانكتەرى بار... بۇگىن نازارباەۆتىڭ قاراماعىنا اۋىسقان... سوعان ۇرلاعان اقشالاردىڭ بارلىعىن قايتارسىن! حالقىمىزعا پاتەر ۇيىمداستىرۋ كەرەك. ال ەندى مەن تەك الماتىدا عانا دەپ ايتىپ جاتقانىم جوق. بىزدە قازىر 20 وبلىستىق ورتالىق بار. سول 20 وبلىستىق ورتالىقتا سالىنىپ جاتقان پاتەرلەردىڭ قارجىسىن تولەپ، تەز ارادا ساتىپ الىپ، حالىققا تاراتاتىن بولسا، ول ءبىزدىڭ ۇلتىمىزعا ۇلكەن كومەك! سوندىقتان مەنىڭ ىزگى تىلەگىم، ەل پرەزيدەنتىنە، حالقىمىزعا وسى...", - دەپ تۇيىندەدى ءسوزىن بالتاش تۇرسىمباي.
زارينا اشىربەك،
"ادىرنا" ۇلتتىق پورتالى
